Jang 8:12 - Sră Goh 2018

¹² Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 8:12 Mawu Ofanana

Sră Jop 33:28

Kơnràñ neh dong tơwài hwềng soàn añ klàs bơh di gùng mù hơ bơtô ƀồc, mơ bơta kis añ jê rơp gŏ bơta àng.’

Đơs Crih 18:28

Ngan, Yàng chu ồs di đèng añ jê; Jehôwa Yàng Tom Trồ añ jê sòl pơnđàng tòm bơta klam jơngo añ jê.

Đơs Crih 49:19

Mơya khai rơp chơt kung be ală ồng pàng khai dê; Bol khai ò gơs tŭ lơi gŏ bơta àng tai.

Đơs Crih 97:11

Bơta àng sòl pơnđàng cau song ring in, Bơta chò hòp geh ai cau in gơs nùs song ngan.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 9:2

Làng bol lòt tòm tiah klam jơngo neh gŏ bơta àng dờng; mơ bơta àng neh sòl hơđang ală cau tòm lơgar hơđơm mƀur bơta chơt dê.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 5:14

Bol mê la bơta àng dunnia dê. Dô nơm ƀòn dờng bơt hơđang mơnơm gen ò rgơi ndơp.

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 12:36

Tòm tŭ bol mê gam gơs bơta àng, gen dòn tĕ bơta àng, tồ gơlik gơs kòn sau bơta àng dê.” Neh sir đơs behơ̆, Yàng Jesu lòt mơ dô pleh bơh di bol khai.

Jang 12:46

Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 3:19

Bơta cahrña hơ̆ la be do: Bơta àng neh tus tòm dunnia mơ cau kòñ gơboh bơta jơngo rlau mơ bơta àng, tài bơh ală broă bol khai dê la iơh bơsak.

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Jang 9:5

Tòm tŭ Añ gam ơm tòm dunnia, Añ la bơta àng dunnia dê.”

Broă 13:47

Bơh Yàng neh đơs mơ bol hi lah: ‘Añ neh bơtào mê lơh gơs bơta àng ală làng bol in, tồ mê in cèng bơta dong klàs làm jơh plai ù.’”

Broă 26:23

hơ̆ la Bơtau Krist pal kong jê sồt, mơ la cau sơnròp ngan kis wơl bơh bơta chơt nàng bơto yal bơta àng, bơta dong klàs cau Juda mơ cau làng bol bơdìh in sơl.”

II Pier 2:17

Ală cau hơ̆ kung be ală croh ò gơs dà, be dà tŭ kòl càl dờng khồm pơrdô; bơta klam jơngo cik la bơta neh rcang lòi bol khai in.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

I Jang 1:6

Dilah bol he đơs lah he geh gơtòmklac bal mơ Kơnràñ, mơ gam lòt tòm bơta klam jơngo, hơ̆ la bol he đơs blac mơ ò lơh lòt jat jơnau song.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.

Yal Tơlik 21:24

Ală làng bol rơp lòt rê tòm bơta àng ƀòn dê, mơ ală cau bơtau hơđang plai ù rơp cèng bơta gơklŏ bol khai dê tơmut tòm hơ̆.