5 Bơh să tòm ală oh mi Kơnràñ dê kung ò dòn Kơnràñ.
Tòm tŭ Yàng Jesu gam đơs mơ mpồl làng bol, gen mè mơ oh mi Kơnràñ dê tus ntào bơdìh, kòñ tòmbơhbơr mơ Kơnràñ.
Ală cau tòm hìu nhă Kơnràñ dê kơno behơ̆ gen tus nàng kup gàr Kơnràñ, bơh bol khai đơs lah: “Kơnràñ neh roh dơngoh jak rau.”
Mơya tòm tŭ oh mi Kơnràñ neh guh lòt pơjum tòm bơta pơjum sa rau, gen Kơnràñ kung guh sơl, mơya lòt dô bă ndơp ndơr, ò tơlik mat.
Behơ̆, ală oh mi Yàng Jesu đơs mơ Kơnràñ lah: “Lik lòt tĕ bơh do, tus tòm Jude nàng ală cau bơtê bi dê kung geh sền gŏ broă bi lơh.
Bơh ò gơs cau lơi kòñ geh tiơng pơnro mơ lơh broă dô bă ndơp ndơr. Dilah bi lơh ală bơta hơ̆, gen yal loh tĕ să he dunnia in.”
