Jang 7:39 - Sră Goh 2018

³⁹ Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

Jang 7:39 Mawu Ofanana

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Esai 12:3

Bol mê rơp bơ̆ dà bơh tơrlung bơta dong klàs mơ bơta hòn chò.

Esai 32:15

Jơl tus di tŭ Hwềng bơh tiah jơnhoa tuh hơđang bol he, mơ ƀlàng ngềt ngơt gơlik gơs sre bềng plai, mơ sre bềng plai gơlik gơs be dơr brê.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Mathiơ 16:14

Bol khai đơs lah: “Cau ƀà đơs la Jang Ƀaptis, cau ndai đơs la Eli, cau ndai tai đơs la Jeremi hala dô nă tòm ală cau gơnoar hwơr.”

Mathiơ 21:11

Mpồl hơ̆ ho lah: “Hơ̆ la cau gơnoar hwơr Jesu Cau Nasaret tòm Galile.”

Luka 24:49

Mơ do, Añ sồr Bơtau mơ Bèp neh ho mù hơđang bol mê; ai bol mê kư̆ ơm tĕ tòm Jerusalem jơl tus di tŭ neh dòp soh gơnap gơnoar bơh đang jòng.”

Luka 3:16

gen Jang ho mơ tơl nă cau lah: “Añ lơh ƀaptem bol mê in mơ dà, mơya gơs dô Bơtau rơp tus gơs gơnoar pràn rlau mơ añ, añ ò pal hồ che gơltau jă Kơnràñ dê; Kơnàñ rơp lơh ƀaptem bol mê in mơ Yàng Hwềng Goh mơ ồs.

Luka 7:16

Jơh tơl nă gơlơh rngòt rngơt, jòng ro Yàng Tom Trồ mơ đơs lah: “Gơs cau gơnoar hwơr dờng tơngguh digùl bol he, mơ Yàng Tom Trồ neh tus còp làng bol Kơnràñ dê.”

Jang 1:21

Bol hơ̆ lùp tai lah: “Behơ̆ ồng la ñcau taih? La Eli ơ?” Khai ho lah: “Ò di.” “Behơ̆ ồng la cau gơnoar hwơr ơ?” Khai ho lah: “Ò di.”

Jang 1:25

Bol hơ̆ lùp tai lah: “Dilah ồng ò di la Bơtau Krist, ò di la Eli, ò di la cau gơnoar hwơr, gen ñchi bơh tài ồng lơh ƀaptem taih?”

Jang 1:33

Añ ò git Kơnràñ, mơya Bơtau sồr añ lòt tus lơh ƀaptem mơ dà neh đơs mơ añ lah: ‘Bơtau mơ mê rơp gŏ Yàng Hwềng mù ơm hơđang, hơ̆ la Bơtau lơh ƀaptem mơ Yàng Hwềng Goh.’

Jang 12:16

Bơh sơnròp ală cau bơtê ò git wă ală bơta hơ̆; mơya tòm tŭ Yàng Jesu neh geh gơklŏ, tŭ hơ̆ sồng bol khai kah wơl ală bơta hơ̆ neh geh cih bơh Kơnràñ, mơ neh lơh bơta hơ̆ Kơnràñ in.

Jang 12:23

Yàng Jesu ho lah: “Jơ Kòn Mơnus pal geh gơklŏ neh tus rau.

Jang 14:13

Bol mê ai sơnđan Añ mơ dan bơta lơi, gen Añ rơp lơh, nàng Bèp in geh gơklŏ dê Kòn.

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 16:14

Kơnràñ rơp lơh gơklŏ Añ in, bơh Kơnràñ rơp ai bơta bal mơ Añ mơ yal lài bol mê in.

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 17:1

Tòm tŭ neh đơs ală jơnau hơ̆ rau, Yàng Jesu tơnggòr hơđang trồ mơ đơs lah: “Ơ Bèp, jơ neh tus, dan lơh gơklŏ Kòn in tồ Kòn kung lơh gơklŏ Bèp in sơl,

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Jang 20:22

Neh Kơnràñ đơs behơ̆ rau, gen khồm nhơm hơđang ală cau bơtê mơ đơs lah: “Dòp tĕ Yàng Hwềng Goh.

Jang 6:14

Behơ̆ ală cau gŏ tềl krơi Yàng Jesu neh lơh, gen đơs lah: “Cau do ngan la cau gơnoar hwơr pal tus tòm dunnia.”

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Jang 8:54

Yàng Jesu ho lah: “Dilah Añ lơh gơklŏ is Añ in, gen bơta gơklŏ Añ jê la ò gơlik lơ̆; să tòm Bèp lơh gơklŏ Añ in, Kơnràñ la Bơtau bol mê sơnđan la Yàng Tom Trồ bol mê dê.

Broă 19:2

gen khai lùp lah: “Bơh tŭ oh mi dòn, neh dòp geh Yàng Hwềng Goh sơl?” Bol khai ho lah: “Ò, bol hi kung òhềt kơno gơs Yàng Hwềng Goh lơi ò.”

Broă 2:17

‘Yàng Tom Trồ đơs lah: Tòm ală ngai lồi dut, Añ rơp tuh Hwềng Añ hơđang jơh ală poac să; Kòn klau mơ kòn ùr bol mê dê rơp đơs hwơr, Ală cau pơnu bol mê dê rơp gơs bơta gơtơnggŏ, Mơ ală cau kra bol mê dê rơp gơs bơta mpau.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Rôma 8:9

Mơya dilah ngan gơs Hwềng Yàng Tom Trồ dê ơm tòm oh mi, gen oh mi ò kis jat poac să, mơya kis jat Yàng Hwềng; mơ dilah cau lơi ò gơs Hwềng Bơtau Krist dê, gen cau hơ̆ ò di bal mơ Kơnràñ.

II Kôrintô 3:8

tơ ài lah gơnoar broă Yàng Hwềng dê ò di sơlo geh àng gơklŏ rlau ò ơ?

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.