Jang 7:37 - Sră Goh 2018

³⁷ Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.

Jang 7:37 Mawu Ofanana

Nehemi 8:18

Bơh ngai do tus ngai ne, bơh ngai sơnròp tus di ngai lồi dut, khai sền tòm sră bơta boh lam Yàng Tom Trồ dê. Bol khai ñô sa tòm poh ngai; mơ tòm ngai phàm, gen gơs pơjum dờng màng jat be bơta neh lơh nền.

Đơs Crih 143:6

Añ pò tê wèt hơ Yàng, Hwềng soàn añ tơhìr Yàng be tiah rañ ro. (Selah)

Đơs Crih 42:2

Hwềng soàn añ tơhìr Yàng Tom Trồ, la Yàng Tom Trồ gam kis sùm. Tŭ lơi añ rơp lòt tus mơ tìp mat Yàng Tom Trồ taih?

Đơs Crih 63:1

Ơ Yàng Tom Trồ, Kơnràñ la Yàng Tom Trồ añ jê, añ jòi jat Yàng, Hwềng soàn añ tơhìr bơh Kơnràñ; poac să añ kơp kòñ Kơnràñ, Be ơm tòm ù tiah rañ rsơh, bòl glar, mơ ò gơs dà.

Jơnau Pơnđik 1:20

Bơta jak chài ai jơnau đơs dờng đah bơdìh ƀòn, Ai sap đơs dờng tòm ală ƀlàng dờng tiah pơjum làng bol.

Jơnau Pơnđik 8:1

Ngan bơta jak chài ò hòi driau ơ? Ngan bơta àng loh ò yal tơlik jơnau he ơ?

Jơnau Pơnđik 8:17

Añ kòñ gơboh ală cau kòñ gơboh añ, Ngan cau lơi jơh nùs jòi añ rơp bàn añ.

Jơnau Pơnđik 8:3

Rềp di mpồng dờng, di gùng mut tòm dơlam ƀòn, Bơh gùng mut mpồng dờng, bơta jak chài hòi driau lah:

Jơnau Pơnđik 9:3

Khai neh sồr ală cau ơruh dong broă khai dê lik lòt; Bơh hơđang ală tiah jơnhoa ƀòn dê khai hòi driau lah:

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 12:3

Bol mê rơp bơ̆ dà bơh tơrlung bơta dong klàs mơ bơta hòn chò.

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 40:6

Gơs jơnau đơs lah: “Hòi dờng tĕ!” Mơ añ đơs lah: “Ñchi jơnau añ rơp hòi taih?” “Jơh ală cau kung be ñhơt, jơh ală bơta gơklŏ gơ dê la kung be bơkào tòm ƀlàng.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 55:1

Ơ jơh ală cau lơi tơhìr, tus tĕ hơ ală dà; mơ bol mê la cau ò gơs jền priă, tus tĕ blơi mơ sa! Tus tĕ blơi tơrnòm mơ dà toh ò càng tơm jền.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Ejekiel 47:9

Tiah lơi hiòng dà gơhòr tus gen gơs oă ală phan kis rơp kis. Tềng hơ̆ rơp gơs oă ngan ka, tài bơh dà hiòng do hòr tus tềng hơ̆ mơ lơh dà ƀă gơlik dà bơkah niam; behơ̆ hiòng dà do gơhòr tus di tiah lơi gen jơh ală phan rơp kis.

Lebi 23:36

Tòm poh ngai ơn tĕ ală phan ơn chu tòm ồs Yàng Jehôwa in, mơ tòm ngai phàm gen gơs tĕ dô bơta pơjum bal sàng goh mơ ơn tĕ dô nơm phan ơn chu tòm ồs Yàng Jehôwa in. Hơ̆ la lồi bơta pơjum bal; bañ lơh dô nơm broă lơi òs lơh.

Lebi 23:39

Behơ̆, rơp sơntòm bơh di ngai jơt pram kơnhai poh, tơnơ̆ mơ tŭ bol mê neh toès kòi tòm lơgar rau, pơjum sa tĕ dô bơta pơjum sa tòm poh ngai Yàng Jehôwa in; ngai sơnròp la ngai rlô, mơ ngai phàm kung rơp la ngai rlô.

Mice 6:9

Ơm iat tĕ! Jơnau Yàng Jehôwa hòi driau tòm ƀòn dờng, hơ̆ la cau jak chài pal duh rngòt dê sơnđan Kơnràñ. Ơ jơi bơtiàn mơ mpồl jơnum ơm tòm ƀòn dờng!

Sacari 9:15

Yàng Jehôwa Gơnap Gơnoar Dờng Làm Jơh rơp rcang gàr bol khai, mơ bol khai rơp sa loan mơ jă tơnlề ală cau pañ sơna mơ lŭ. Bol khai rơp lơh gơtuh mhàm cau sò tơm bol khai dê kung be cau bơñul; bol khai rơp geh bềng kung be dô nơm jơrlŭ dà ngui nàng rsìh hơđang ală mum cơnòng duh khoai dê.

Khà Làng Bol 29:35

Tòm ngai dơ̆ phàm, gen ơn is dô bơta pơjum mơ bañ lơh broă òs lơh.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 3:3

Hơ̆ la bơh Jang Ƀaptis mơ cau gơnoar hwơr Esai neh đơs: “Gơs jơnau cau hòi driau tòm ƀlàng bràs lah: ‘Wàs tĕ gùng Yàng in, Bơsong tĕ ală gùng dềt Kơnràñ dê.’”

Mathiơ 5:6

Lơngai ală cau in jơgloh tơhìr bơh bơta song ring, bơh rơp geh hòm!

Jang 1:23

Khai ho lah: “Añ la jơnau cau hòi driau tòm ƀlàng bràs lah: ‘Bơsong tĕ gùng Yàng dê,’” be gơnoar hwơr Esai neh đơs.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 4:11

Cau ùr đơs lah: “Ơ Ồng, Ồng ò gơs phan nàng bơ̆, mơ tơrlung gen jrô, behơ̆ mbơh geh dà kis hơ̆ taih?

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 5:40

Bulah behơ̆ bol mê ò bài lòt tus hơ Añ nàng geh bơta kis!

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 6:55

Bơh poac Añ jê ngan la phan sa, mhàm Añ jê ngan la phan hùc.

Jang 7:28

Tòm tŭ Yàng Jesu bơto tòm hìu duh khoai, gen đơs loh làng lah: “Bol mê git Añ mơ kung git Añ tus bơh lơi. Añ ò tus is Añ jê, mơya Bơtau neh sồr Añ lòt tus la song ngan mơ bol mê ò git Kơnràñ.

I Kôrintô 10:21

Ală oh mi ò rgơi hùc mơngàn Yàng dê, mơ kung hùc mơngàn ală cà dê; oh mi ò rgơi sa phan Yàng dê, mơ kung sa phan ală cà dê.

I Kôrintô 10:4

mơ hùc bal dô nơm phan hùc đah hwềng, bơh bol khai hùc bơh dô nơm pơnai lŭ đah hwềng lòt jat bol khai, pơnai lŭ hơ̆ la Bơtau Krist.

I Kôrintô 11:25

Kung behơ̆ tơnơ̆ neh sa mho, Kơnràñ ai mơngàn mơ đơs lah: “Mơngàn do la bơta ho bal pa tòm mhàm Añ. Tŭ lơi bol mê hùc, lơh tĕ bơta do nàng kah Añ.”

I Kôrintô 12:13

Bulah bol he la cau Juda hala cau làng bol bơdìh, hala dĭ gơna hala cau geh khat gơboh, jơh ală bol he neh gơs ƀaptem tòm dô nă Yàng Hwềng nàng gơlik gơs dô nơm să jan; jơh ală bol he neh geh hùc bơh dô nă Yàng Hwềng lơm.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.