Jang 7:17 - Sră Goh 2018

¹⁷ Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Jang 7:17 Mawu Ofanana

Đơs Crih 119:10

Añ jơh nùs jòi jat Yàng; Dan Yàng bañ lòi añ tìs nrah ngài bơh ală bơta sồr lam Kơnràñ dê.

Đơs Crih 25:12

Ñcau la cau duh rngòt dê Yàng Jehôwa taih? Kơnràñ rơp bơto bol khai in git gùng khai pal sac rwah.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Jơnau Pơnđik 28:5

Cau tơmut he tòm bơta iơh ò wă wơng bơta song ring; mơya cau lơi jòi jat Yàng Jehôwa wă wơng jơh ală bơta.

Jơnau Pơnđik 3:32

Bơh cau rkwet rkwe la cù kìr di mat Yàng Jehôwa, Mơya cau song ring geh Kơnràñ dòn kơnòm.

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Daniel 12:10

Oă cau rơp geh lơh gơs sàng goh, geh lơh gơs wil tơl ò tềl ƀơ̆, mơ geh lòng tiar, mơya ală cau iơh rơp kư̆ lơh iơh. Ò gơs cau iơh lơi rơp git wă mơya ală cau jak chài rơp git wă.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 6:22

“Đèng să jan dê la mat. Dilah mat mê niam, gen jơh să jan geh bềng bơta àng.

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Jang 3:21

Mơya cau lơi lơh jat jơnau song, gen lòt tus hơ bơta àng, nàng ală broă khai neh lơh tòm Yàng Tom Trồ geh yal tơlik.”

Jang 8:43

Ñchi bơh tài bol mê ò rgơi git wă bơta Añ đơs taih? Tài bơh bol mê ò rgơi dòp jơnau Añ jê.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.