Jang 6:51 - Sră Goh 2018

⁵¹ Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Jang 6:51 Mawu Ofanana

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Luka 22:19

Chòp Kơnràñ ai piang lă, ưnngài, gen dơrkă, tong bol khai in mơ đơs lah: “Do la să jan Añ, bơh bol mê mơ ai phi. Lơh tĕ bơta do nàng kah wơl Añ.”

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 11:26

Ai cau lơi kis mơ dòn Añ gen rơp ò tŭ lơi chơt ò. Ai dòn bơta hơ̆ sơl?”

Jang 3:13

Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus.

Jang 3:14

Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 3:36

Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 6:33

Bơh piang lă Yàng Tom Trồ dê la piang lă bơh đang trồ mù mơ ai bơta kis dunnia in.”

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.

Jang 6:41

Tài bơh Kơnràñ neh đơs lah: “Añ la piang lă bơh đang trồ mù,” gen tàng ală cau Juda yoam Kơnràñ,

Jang 6:47

Di ngan, Añ đơs ngan mơ bol mê, cau lơi dòn Añ gen geh bơta kis gam sùm sùm.

Jang 6:48

Añ la piang lă bơta kis dê.

Jang 6:50

Do la piang lă bơh đang trồ mù, tồ cau lơi in sa gen ò chơt ò.

Jang 7:38

Cau lơi dòn Añ, gen ‘ală hiòng dà bơta kis rơp hòr lìu bơh tòm nùs khai dê,’ be Sră Goh neh đơs.”

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Ephesô 5:25

Ơ cau la bau klau, kòñ gơboh tĕ di bau ùr mê dê, kung be Bơtau Krist neh kòñ gơboh di Hìu Jum Goh, mơ phi să tòm Kơnràñ bơh Hìu Jum Goh,

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 10:20

bơh gùng pa mơ kis Kơnràñ neh pò bol he in lòt gan hơ kơrnìng, hơ̆ la lòt gan di să jan Kơnràñ dê;

I Pier 2:4

Tus tĕ hơ Kơnràñ la pơnai lŭ kis, neh cau sang lòi, mơya geh Yàng Tom Trồ sac rwah mơ màng ngan.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Jang 4:10

Bơta kòñ gơboh hơ̆ la be do: Ò di la bol he neh kòñ gơboh di Yàng Tom Trồ, mơya Kơnràñ neh kòñ gơboh di bol he, mơ sồr Kòn Kơnràñ dê lòt tus nàng lơh gơs phan ơn tơwài glài tài bơh tồi glài bol he dê.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.