Jang 5:44 - Sră Goh 2018

⁴⁴ Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Jang 5:44 Mawu Ofanana

II Yal Yau 6:8

Mơya Yàng Jehôwa neh đơs mơ Dabit bèp añ lah: ‘Mê neh lơh niam, gơs nùs kòñ bơt dô nơm hìu Sơnđan Añ in.

Jeremi 13:23

Cau Ethiôpi rgơi tòmgơl gơltau, Hala klìu sơmañ rgơi tòmgơl sơnràng gơ dê sơl? Dilah rgơi gen bol ai la cau neh mòng lơh iơh rau, Kung rgơi lơh niam sơl.

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Luka 19:17

Cau tòm đơs lah: ‘Ơ cau dĭ lơbơn niam ne, niam ngan, bơh mê neh dòn song tòm broă dềt rhền, gen mê gơs gơnoar at bồ hơđang jơt nơm ƀòn dờng.’

Jang 12:43

bơh bol khai hàm kòñ bơta gơklŏ kòn mơnus dê rlau mơ bơta gơklŏ Yàng Tom Trồ dê.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 3:20

Bơh cau lơi lơh iơh bơsak gen gơjrañ kơuềng di bơta àng, mơ ò lòt tus hơ bơta àng, rngòt ală broă khai dê gơkòl yal tơlik.

Jang 5:41

Añ ò jòi bơta gơklŏ bơh di cau ò;

Jang 8:43

Ñchi bơh tài bol mê ò rgơi git wă bơta Añ đơs taih? Tài bơh bol mê ò rgơi dòp jơnau Añ jê.

Rôma 2:10

mơya bơta gơklŏ, sền dờng màng, lơngap lơngai ai ală cau lơh bơta niam in, lài la cau Juda, tơnơ̆ tai la cau làng bol bơdìh.

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 10:18

Bơh ò di la cau yò tơngguh is să he geh dòp, mơya la cau Yàng yò tơngguh gơ dê geh dòp.

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

I Tesalônika 2:6

Bulah bol hi la cau gơnoar bơto dờng Bơtau Krist dê, gơs gơnoar dan oh mi sền bol hi la dờng màng, mơya kung ò dan bơta gơklŏ bơh di kòn mơnus, hala bơh di oh mi, hala bơh di cau ndai.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

Jakơ 2:1

Ơ oh mi añ jê, oh mi neh dòn Yàng Jesu Krist la Yàng gơklŏ bol he dê, gen bañ cah is cau lơi.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

Jude 1:25

hơ̆ la Yàng Tom Trồ mìng dùl lơm mơ la Yàng Jesu la Yàng Dong Klàs bol he dê; dan bơta gơklŏ, bơta ryŭ ryơm, gơnoar pràn mơ gơnap gơnoar gơrê bal mơ Kơnràñ bơh ală rài lài, tus di tŭ do, jơl tus sùm sùm. Amen.

I Samuel 15:30

Gen Sol đơs lah: “Añ neh tìs glài, mơya tŭ do dan sền dờng màng añ di đap ală cau kwang kra làng bol añ jê mơ di đap Israel, mơ rê wơl tĕ mơ añ nàng añ duh khoai Jehôwa Yàng Tom Trồ ồng dê.”

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.