Jang 5:23 - Sră Goh 2018

²³ nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 5:23 Mawu Ofanana

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Esai 42:8

Añ la Yàng Jehôwa; hơ̆ la sơnđan Añ! Añ ò lòi bơta gơklŏ Añ jê cau ndai in, kung ò ai bơta jòng ro Añ jê ală rùp ràk in.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 45:15

Ngan, Kơnràñ la Yàng Tom Trồ pồn is să Kơnràñ; Ơ Yàng Tom Trồ Israel dê mơ la Bơtau Dong Klàs,

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 12:21

Mơ ală làng bol bơdìh rơp gơn kơnòm di sơnđan Khai.”

Mathiơ 15:8

‘Làng bol do ai sơndồi mơ dòn duh Añ; Mơya nùs bol khai ngài ngan bơh Añ;

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Jang 14:1

“Nùs bol mê bañ dơrcul: Neh dòn Yàng Tom Trồ, kung dòn tĕ Añ sơl.

Jang 16:14

Kơnràñ rơp lơh gơklŏ Añ in, bơh Kơnràñ rơp ai bơta bal mơ Añ mơ yal lài bol mê in.

Jang 17:10

Mơ jơh ală bơta bal mơ Añ la bal mơ Bèp, ală bơta bal mơ Bèp la bal mơ Añ, mơ Añ geh gơklŏ bơh bol khai.

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 15:12

Esai kung neh đơs lah: “Rơp gơs ryas Jese gơcat, Hơ̆ la Bơtau rơp guh at bồ ală làng bol bơdìh; Ală làng bol bơdìh rơp gơn kơnòm di Kơnràñ.”

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Rôma 8:9

Mơya dilah ngan gơs Hwềng Yàng Tom Trồ dê ơm tòm oh mi, gen oh mi ò kis jat poac să, mơya kis jat Yàng Hwềng; mơ dilah cau lơi ò gơs Hwềng Bơtau Krist dê, gen cau hơ̆ ò di bal mơ Kơnràñ.

I Kôrintô 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

II Kôrintô 1:9

Bol hi ngan neh kơlôi be la bol hi pal dòp bơta lơh nền glài chơt, tồ bol hi in ò kơnòm di să tòm he, mơya kơnòm di Yàng Tom Trồ la Bơtau lơh cau chơt in geh kis wơl.

II Kôrintô 5:14

Bơh bơta kòñ gơboh Bơtau Krist dê lơh rngoh rngac bol hi, bơh bol hi kơlôi lah dilah gơs dô nă Cau neh chơt bơh tơl nă cau, gen tơl nă cau neh chơt sơl.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

Hebrơ 1:6

Mơ tai, dơ̆ Kơnràñ jun Kòn tơnhoa tus tòm dunnia, gen đơs lah: “Jơh ală cau gơnrơh Yàng Tom Trồ dê pal duh khoai Kòn.”

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

I Jang 2:23

Cau lơi ò dòp Yàng Kòn, gen kung ò gơs Yàng Bèp; cau lơi dòp Yàng Kòn gen kung gơs Yàng Bèp sơl.

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.