Jang 5:18 - Sră Goh 2018

¹⁸ Tài bơh hơ̆, ală cau Juda sơlo jòi bơta nàng tơnchơt Kơnràñ, bơh Kơnràñ ò di mìng tìs ngai Saƀat lơm, mơya kung sơnđan Yàng Tom Trồ la Bèp, lơh is să he ndròm bal mơ Yàng Tom Trồ.

Jang 5:18 Mawu Ofanana

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 12:5

Hala bol mê òhềt sền tòm bơta boh lam, ală cau gơnoar ơn phan duh khoai lơh broă tòm hìu duh khoai tòm ngai Saƀat mơ tìs mơ bơta boh lam mơ ò gơkòl glài sơl ơ?

Jang 1:19

Do la jơnau lơh cơng Jang dê tòm tŭ làng bol Juda sồr ală cau gơnoar ơn phan duh khoai mơ cau Lebi bơh Jerusalem lòt tus lùp khai lah: “Ồng la ñcau?”

Jang 10:30

Añ mơ Bèp la dùl.”

Jang 10:33

Ală cau Juda ho lah: “Bol hi ò cơm lŭ di ồng tài bơh broă niam, mơya bơh jơnau đơs tràl sơrbil; ồng la kòn mơnus mơ bơtào is să he la Yàng Tom Trồ.”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 14:9

Yàng Jesu đơs lah: “Ơ Philip, Añ ơm mơ bol mê neh jŏ rau, mơ mê òhềt git Añ ơ? Cau lơi neh gŏ Añ la neh gŏ Bèp rau. Mbe mê đơs lah: ‘Dan sơnio Bèp bol hi in, taih’?

Jang 19:7

Cau Juda ho lah: “Bol hi gơs dô bơta boh lam, jat bơta boh lam hơ̆ khai pal chơt, tài bơh khai neh sơnđan is să khai la Kòn Yàng Tom Trồ.”

Jang 5:15

Cau hơ̆ lòt yal mơ ală cau Juda lah Yàng Jesu la cau neh sơmbòi khai in.

Jang 5:16

Bơh hơ̆ ală cau Juda kup kơryan Yàng Jesu, tài bơh Kơnràñ lơh ală bơta hơ̆ tòm ngai Saƀat.

Jang 5:17

Mơya Yàng Jesu ho bol khai lah: “Bèp Añ lơh broă tus di tŭ do, mơ Añ kung lơh broă behơ̆ sơl.”

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 7:1

Tơnơ̆ mơ broă hơ̆, Yàng Jesu lòt làm jơh Galile. Kơnràñ ò bài lòt tòm Jude, tài bơh cau Juda jòi nàng tơnchơt Kơnràñ.

Jang 7:19

Ò di Môise neh ai bơta boh lam bol mê in ò ơ? Mơya tòm bol mê ò gơs dô nă cau lơi prap gàr bơta boh lam hơ̆. Ñchi bơh tài bol mê jòi nàng tơnchơt Añ taih?”

Jang 8:54

Yàng Jesu ho lah: “Dilah Añ lơh gơklŏ is Añ in, gen bơta gơklŏ Añ jê la ò gơlik lơ̆; să tòm Bèp lơh gơklŏ Añ in, Kơnràñ la Bơtau bol mê sơnđan la Yàng Tom Trồ bol mê dê.

Jang 8:58

Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”

Philip 2:6

Kơnràñ neh gơs rùp să be Yàng Tom Trồ, mơya Kơnràñ ò sền bơta ring bal mơ Yàng Tom Trồ la bơta pal sơmbat prap;

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:3

Rơp ò gam gơs bơta srat rma tai, mơya tòm ƀòn hơ̆ gơs sơbàn Yàng Tom Trồ mơ Belàt Kòn dê, ală dĭ gơna Kơnràñ dê rơp duh broă Kơnràñ.