Jang 4:42 - Sră Goh 2018

⁴² Bol khai đơs mơ cau ùr hơ̆ lah: “Tŭ do bol hi dòn, ò di gam bơh jơnau ai neh đơs mơ bol hi ò, mơya bơh să tòm bol hi neh kơno mơ git lah Kơnràñ ngan la Yàng Dong Klàs dunnia dê.”

Jang 4:42 Mawu Ofanana

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 11:17

Tòm tŭ neh tus, Yàng Jesu gŏ Lasarơ neh geh tơp tòm bơtô poan ngai rau.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 4:29

“Tus tĕ sền dô nă cau neh yal añ in jơh ală bơta añ neh lơh; hơ̆ ò di la Bơtau Krist ngan sơl?”

Jang 4:41

Tài bơh jơnau Kơnràñ dê, gen khà cau dòn Kơnràñ sơlo oă tai.

Broă 13:23

Bơh jơi bơtiàn Dabit, Yàng Tom Trồ neh tơngguh làng bol Israel in dô Bơtau Dong klàs hơ̆ la Yàng Jesu, be Kơnràñ neh ho.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.