Jang 4:24 - Sră Goh 2018

²⁴ Yàng Tom Trồ la hwềng, gen tàng cau lơi duh khoai Kơnràñ pal ai tĕ hwềng nùs mơ jơnau song nàng duh khoai.”

Jang 4:24 Mawu Ofanana

Đơs Crih 145:18

Yàng Jehôwa ơm rềp mơ jơh ală cau hòi dan di Kơnràñ, Hơ̆ la ală cau ai bơta song ngan mơ hòi dan di Kơnràñ,

Đơs Crih 50:23

Cau lơi ai bơta ưnngài lơh gơs phan ơn duh khoai la dòn duh Añ; Ai cau lơi lòt jat gùng song, Añ rơp sơnio khai in bơta dong klàs Yàng Tom Trồ dê.

Đơs Crih 51:17

Phan ơn duh khoai niam nùs Yàng Tom Trồ dê hơ̆ la hwềng nùs jê sồt; Ơ Yàng Tom Trồ, nùs jê sồt moat jrùng, Yàng ò di sền òsơp ò.

Đơs Crih 66:18

Dilah nùs añ neh kơlôi gơboh di tồi glài, Gen Yàng ò bài iat añ.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Jang 4:23

Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 3:17

Yàng la Yàng Hwềng; Yàng Hwềng Yàng dê ơm tiah lơi, gen bơta khat gơboh kung ơm tềng hơ̆ sơl.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”