Jang 4:21 - Sră Goh 2018

²¹ Yàng Jesu ho lah: “Ơ cau ùr, dòn tĕ Añ, jơ rơp tus gen ală bol ai duh khoai Bèp ò di hơđang mơnơm do, kung ò di tòm Jerusalem.

Jang 4:21 Mawu Ofanana

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Ejekiel 14:3

“Ơ kòn mơnus, ală cau do cèng rùp ràk bol khai dê tơmut tòm nùs bol khai, mơ ơn ală phan lơh gơtup tìs iơh rmơh di đap bol khai. Behơ̆ Añ pal lòi să tòm Añ bol khai in hòi lùp jơnau lơi sơl ơ?

Ejekiel 20:3

“Ơ kòn mơnus, đơs tĕ mơ ală cau kwang kra Israel dê mơ yal tĕ bol khai in lah: Jehôwa Yàng Tom Trồ đơs lah: ‘Ñchi bơh tài bol mê neh lòt tus nàng hòi lùp Añ taih?’ Jehôwa Yàng Tom Trồ đơs lah: ‘Di ngan kung be Añ kis, Añ rơp ò lòi bol mê hòi lùp Añ.’

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 18:20

Bơh tiah lơi gơs bàr pe nă ai sơnđan Añ mơ pơjum bal, gen Añ ơm digùl bol khai.”

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 16:32

Do jơ tus, mơ neh tus rau, tŭ bol mê rơp gơprah gơpring, kòp nă lòt gùng is, mơ lòi is dô nă Añ; mơya Añ ò ơm is dô nă, tài bơh Bèp ơm mơ Añ.

Jang 4:23

Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Jang 5:28

Bañ ai lơh krơi bơh bơta hơ̆, tài bơh jơ tus, dơ̆ ală cau ơm tòm bơtô ƀồc rơp kơno jơnau đơs Kơnràñ,

Broă 6:14

bơh bol hi neh kơno khai đơs lah Jesu Cau Nasaret ne rơp tơnroh tiah do mơ tòmgơl ală bơta òs mòng mơ Môise neh lòi wơl bol he in.”

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Ephesô 3:14

Tài bơh bơta hơ̆ añ cùn gơltang di đap Yàng Bèp,

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

Yal Tơlik 21:22

Tòm ƀòn dờng hơ̆ añ ò gŏ hìu duh khoai lơi, bơh Yàng la Yàng Tom Trồ, Bơtau Gơnoar Dờng Làm Jơh, mơ Belàt Kòn la hìu duh khoai ƀòn hơ̆ dê.