Jang 4:10 - Sră Goh 2018

¹⁰ Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 4:10 Mawu Ofanana

Đơs Crih 10:17

Ơ Yàng Jehôwa, Kơnràñ rơp kơno jơnau kơp kòñ cau niam lơnhơn dê; Yàng rơp lơh nùs bol khai in kơ̆ cê, mơ kung rơp ai tồr iat,

Đơs Crih 46:4

Gơs dô nơm hiòng dà, ală ntê dà hơ̆ lơh chò hòp ƀòn Yàng Tom Trồ dê, La tiah ơm sàng goh Bơtau Hơđang Rlau Jơh dê.

Lik Ejiptơ 17:6

Añ rơp ntào tềng hơ̆ di đap mê, di pơnai lŭ tòm Hôrep. Mê pòng tĕ pơnai lŭ, gen dà rơp bơh di pơnai lŭ hơ̆ gơhòr lik ai làng bol in hùc.” Môise lơh behơ̆ di đap ală cau kwang kra Israel dê.

Đơs Chò 4:15

Ai la dà cat tòm suơn, la tơrlung dà kis, la gùng dà hòr bơh Liban!

Esai 12:3

Bol mê rơp bơ̆ dà bơh tơrlung bơta dong klàs mơ bơta hòn chò.

Esai 35:6

Tŭ hơ̆ cau kwet kơlte rơp sơnđoh be jun, lơmpiat cau kloat rơp đơs chò bơta hòn chò in. Dà rơp gơcat tòm ƀlàng ngềt ngơt, mơ ală croh dà rơp gơhòr tòm ƀlàng bràs.

Esai 42:6

“Añ, Yàng Jehôwa, neh hòi sac mê tòm bơta song ring; Añ rơp at tê mê mơ Añ rơp sền gàr mê mơ ai mê in gơlik gơs dô bơta ho bal làng bol in, mơ dô bơta àng làng bol bơdìh in,

Esai 43:20

Ală phan poan jơng tòm brê duh rngòt di Añ, so brê bal mơ klàng kò kung behơ̆, tài bơh Añ rcang gơs dà tòm ƀlàng bràs, mơ ală croh dà tòm ƀlàng ngềt ngơt, nàng ai làng bol geh sac rwah Añ jê geh dà hùc.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 49:10

Bol khai rơp ò jơgloh ò tơhìr, kơnhồl duh tòm ƀlàng bràs hala mattơngai rơp ò àl hơđang bol khai. Bơtau kòñ nđàc di bol khai rơp tề lam bol khai, mơ cèng bol khai tus rềp di croh dà.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Ejekiel 16:35

Behơ̆ gen, ơ cau ùr dri tơlàr, iat tĕ jơnau Yàng Jehôwa dê.’

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Sacari 14:8

Tòm ngai hơ̆, dà kis rơp hòr lik bơh Jerusalem, nggùl hòr tus hơ dàlềng đah mattơngai lik, nggùl hòr tus hơ dàlềng đah mattơngai mut, tòm kơnhai prang mơ tòm kơnhai noat mrềt.

Luka 11:13

Dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ ò ai Yàng Hwềng Goh ală cau lơi in dan mơ Kơnràñ ò ơ?”

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Broă 9:11

Yàng đơs lah: “Ntào tĕ, lòt tus hơ hìu Juda, tòm gùng sơnđan la Gùng Song Ngan, mơ jòi dô nă cau Tarsơ sơnđan la Sol, bơh khai ơm hòi dan,

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 10:4

mơ hùc bal dô nơm phan hùc đah hwềng, bơh bol khai hùc bơh dô nơm pơnai lŭ đah hwềng lòt jat bol khai, pơnai lŭ hơ̆ la Bơtau Krist.

II Kôrintô 9:15

Ưnngài tĕ Yàng Tom Trồ, bơh bơta ai gòi Kơnràñ dê ò git jơh!

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

Hebrơ 6:4

Bơh ò rgơi ngan ală cau neh geh pơnđàng sòl dô dơ̆ rau, neh git làm bơta ai gòi bơh đang trồ, neh gơs pơnah tòm Yàng Hwềng Goh,

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”