Jang 3:35 - Sră Goh 2018

³⁵ Bèp kòñ gơboh di Kòn mơ neh jào jơh ală bơta tòm tê Kơnràñ.

Jang 3:35 Mawu Ofanana

Sơnròp Gơlik Gơs 41:44

Pharaôn đơs mơ Jôsep lah: “Añ la Pharaôn, mơ dilah ò gơs mê gen ò gơs cau lơi tòm làm lơgar Ejiptơ rgơi pò tê mơ pò jơng hơđang ò.”

Sơnròp Gơlik Gơs 41:55

Mơ tòm tŭ làm lơgar Ejiptơ gơs jơgloh gen làng bol dan phan sa mơ Pharaôn. Pharaôn đơs mơ làng bol lah: “Lòt tĕ tus mơ Jôsep, mơ lơh jat be jơnau khai sồr bol mê.”

Đơs Crih 2:8

Dan tĕ mơ Añ, Añ rơp ai kòn in ală lơgar lơh gơs sre brê, Mơ ală tiah lồi plai ù lơh gơs phan mơna mê dê.

Jơnau Pơnđik 8:30

Gen añ ơm di gah Kơnràñ lơh gơs cau tòm at bồ cau lơh broă, Kòp ngai añ la bơta hòn chò Kơnràñ in, Mơ òs chò hòp di đap mat Kơnràñ.

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 15:9

Bèp neh kòñ gơboh di Añ be lơi, gen Añ kung kòñ gơboh di bol mê behơ̆ sơl; ơm tĕ sùm tòm bơta kòñ gơboh Añ jê.

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Jang 5:20

Bèp kòñ gơboh dê Kòn mơ yal Kòn in jơh ală bơta Bèp lơh, mơ rơp yal Kòn in ală broă dờng rlau tai mơ ală broă do, nàng bol mê pal ai lơh krơi.

Jang 5:22

Bèp ò cahrña cau lơi ò, mơya neh jào ală bơta cahrña Kòn in,

I Kôrintô 15:27

Bơh Sră Goh cih lah: “Yàng Tom Trồ ơn jơh ală phan hơđơm jơng Bơtau Krist.” Mơya tòm tŭ Kơnràñ đơs lah: “Jơh ală phan pal dòn duh Kơnràñ, gen loh làng lah ò kòp să tòm Yàng Tom Trồ la Bơtau neh ơn jơh ală phan dòn duh Bơtau Krist.”

Ephesô 1:22

Yàng Tom Trồ lơh jơh ală bơta dòn duh hơđơm jơng Bơtau Krist dê, pồ bơtào Bơtau Krist lam bồ jơh ală bơta tòm Hìu Jum Goh.

Hebrơ 1:2

tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.