Jang 3:34 - Sră Goh 2018

³⁴ Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Jang 3:34 Mawu Ofanana

II Ală Bơtau 2:9

Tòm tŭ bol khai neh tiă gan rau, Eli đơs mơ Elise lah: “Yal tĕ mơ añ bơta lơi añ rgơi lơh mê in, lài mơ tŭ añ geh cèng bơh di mê.” Elise yal lah: “Dan ai añ in geh dòp bàr dơ̆ hwềng ồng dê hơđang añ.”

Đơs Crih 45:7

Bơtau kòñ gơboh bơta song ring, gơjrañ kơuềng di bơta iơh bơsak. Gen tàng Yàng Tom Trồ, la Yàng Tom Trồ bơtau dê, Neh ai bơtau in bơta hòn chò be bong mơñà di bơtau, rlau mơ ală gơp bơyô bơtau dê.

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Lebi 7:35

Hơ̆ la pơnah tòm ală phan cau ơn chu tòm ồs ơn Yàng Jehôwa in mơ neh tòmpà Arôn mơ ală kòn klau khai in tòm ngai bol khai geh lơh gơs cau gơnoar ơn phan duh khoai duh broă Yàng Jehôwa.

Khà Làng Bol 11:25

Lồc behơ̆ Yàng Jehôwa mù tus tòm dô puk mhwal mơ tòmbơhbơr mơ khai, mơ Kơnràñ ai Hwềng neh ơm hơđang khai mơ ơn Hwềng hơđang poh jơt nă cau kwang kra. Tòm tŭ Hwềng neh ơm hơđang bol khai gen bol khai đơs hwơr, mơya bol khai ò pơnjat đơs hwơr tai.

Mathiơ 12:18

“Ne, Cau Duh Broă Añ, la Cau Añ neh sac rwah, La Cau kòñ gơboh Añ jê, niam nùs Añ tòm jơh ală bơta. Añ rơp ai Hwềng Goh Añ ơm hơđang Khai, Mơ Khai rơp yal bơta cahrña song ngan làng bol Bơdìh in.

Luka 4:18

“Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 3:17

Bơh Yàng Tom Trồ sồr Kòn Kơnràñ tus tòm dunnia ò di nàng cahrña dunnia ò, mơya tồ dunnia in geh dong klàs.

Jang 5:26

Bơh Bèp gơs bơta kis tòm să tòm Bèp be lơi, gen Kơnràñ kung neh ai Kòn in gơs bơta kis tòm să tòm Kòn behơ̆ sơl;

Jang 7:16

Yàng Jesu ho lah: “Gùng jơnau song Añ bơto ò di bơh Añ, mơya bơh Bơtau neh sồr Añ lòt tus.

Jang 8:40

Mơya tŭ do bol mê jòi nàng tơnchơt Añ, la cau neh yal bol mê in jơnau song neh kơno bơh Yàng Tom Trồ; Abraham ò gơs tŭ lơi lơh bơta hơ̆!

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Kôlôse 2:9

Bơh bơta bềng tơl nùs nhơm Yàng Tom Trồ dê ơm jơh tòm să jan Yàng Jesu.

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.