Jang 3:33 - Sră Goh 2018

³³ Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan.

Jang 3:33 Mawu Ofanana

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 8:26

Añ gơs oă bơta đơs mơ cahrña bol mê; mơya Bơtau neh sồr Añ lòt tus la Bơtau song ngan, mơ Añ yal wơl dunnia in ală bơta Añ kơno bơh Kơnràñ.”

Rôma 15:28

Behơ̆ tòm tŭ añ neh lơh sir broă hơ̆ rau, mơ jào phan hơ̆ bol khai in, gen añ rơp dah hơ oh mi nàng lòt hơ lơgar «Tây Ban Nha».

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

I Kôrintô 9:2

Dilah añ ò di la cau gơnoar bơto dờng ală cau ndai in, mơya añ kung la cau gơnoar bơto dờng oh mi in; bơh să tòm oh mi la ƀang kì gơnoar bơto dờng añ jê tòm Yàng.

II Kôrintô 1:18

Ngan be Yàng Tom Trồ la Bơtau dòn song, gen jơnau bol hi đơs mơ oh mi kung ò di đơs ƀà di ƀà ò.

II Kôrintô 1:22

Kơnràñ kung neh tap ƀang kì bol hi in mơ ai Yàng Hwềng tòm nùs bol hi nàng lơh gơs phan ai bồ.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Hebrơ 6:17

Gơwèt mơ ală cau neh dòp jơnau ho Kơnràñ dê, Yàng Tom Trồ kòñ lơh loh làng lah Kơnràñ ò tŭ lơi tòmgơl tơnggume broă Kơnràñ dê, gen tàng Kơnràñ bơtơl jơnau srat să, mơ jơnau ho,

I Jang 1:10

Dilah bol he đơs lah he ò tìs glài, hơ̆ la bol he sền Kơnràñ be cau đơs blac, mơ jơnau Kơnràñ dê ò ơm tòm bol he.