Jang 3:29 - Sră Goh 2018

²⁹ Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Jang 3:29 Mawu Ofanana

Đơs Chò 3:11

Ơ ală kòn ùr Siôn, lik lòt tĕ sền bơtau Salômôn, sơgơn bơtau mơ mè khai neh tơndau khai in, tòm ngai tòmbau khai, tòm ngai nùs khai hòn chò.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Esai 66:11

Bơh bol mê rơp pô toh mơ geh hòm lai, mơ geh pơndòm pơniang bơh dà toh gơ dê; bol mê rơp hùc hòm ngan mơ chò hòp bơh bơta tơngkah tơngkañ gơ dê.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Sră Ôse 2:19

Añ rơp bau mơ ai gam sùm sùm; Añ rơp bau mơ ai tòm bơta song ring mơ song ngan, tòm bơta kòñ gơboh kơ̆ dơn mơ bơta kòñ nđàc.

Mathiơ 22:2

“Lơgar đang trồ kung be dô nă cau bơtau ne lơh dô bơta yò sa tòmbau kòn klau khai in.

Mathiơ 25:1

“Tŭ hơ̆ lơgar đang trồ rơp tòm toh be jơt nă cau ơruh at đèng lòt wă rò bơrtơu.

Mathiơ 9:15

Yàng Jesu ho lah: “Tòm tŭ cau bơrtơu gam ơm mơ oh mi bơyô he, gen bol khai rgơi moat jrùng sơl? Mơya tus di tŭ cau bơrtơu geh cèng lik bơh bol khai, gen sồng bol khai ơt sa.

Luka 15:6

rê tus tòm hìu rau gen hòi ală oh mi bơyô mơ cau gơp ƀòn tus mơ đơs lah: ‘Hòn chò tĕ bal mơ añ bơh añ neh jòi bàn belàt roh.’

Jang 15:11

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

Jang 17:13

Tŭ do Añ rê wơl hơ Bèp, mơ Añ đơs ală bơta hơ̆ tòm dunnia, tồ bơta hòn chò Añ jê geh wil tơl tòm bol khai.

Jang 3:30

Kơnràñ pal tơngguh, añ pal tơmù.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

Philip 2:2

gen ală oh mi gơs tĕ dô nùs bal, dô bơta kòñ gơboh bal, dô bă bal tòm nùs nhơm mơ bơta kơlôi sơnơng, nàng lơh bơta hòn chò añ jê geh wil tơl.

I Jang 1:4

Bol hi cih ală bơta do nàng bơta hòn chò bol he dê geh wil tơl.

II Jang 1:12

Añ gam gơs oă bơta kòñ cih oh mi in mơya añ ò kòñ cih mơ sră mơ dà cih, añ kơp kòñ lòt tus hơ oh mi, tòmtìp mat mơ tòmbơhbơr bal tồ bơta hòn chò bol he dê geh wil tơl.

Yal Tơlik 21:9

Gơs dô nă tòm poh nă cau gơnrơh neh at poh nơm mơngàn bềng poh bơta rung rài lồi dut, lòt tus đơs mơ añ lah: “Tus tĕ hơ do, añ rơp sơnio mê in ƀan, la bau ùr Belàt Kòn dê.”