Jang 3:2 - Sră Goh 2018

² Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 3:2 Mawu Ofanana

I Ală Bơtau 17:24

Gen khai đơs mơ Eli lah: “Tŭ do añ đal git ồng la dô nă cau Yàng Tom Trồ dê, mơ jơnau Yàng Jehôwa dê ơm tòm bơr ồng la song ngan.”

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Jeremi 38:16

Bơtau Jedekia srat să dô bă ndơp ndơr bal mơ Jeremi lah: “Ngan be Yàng Jehôwa kis sùm, la Bơtau neh lơh gơs hwềng soàn do bol he in, añ rơp ò tơnchơt mê, mơ ò jào mê tòm tê ală cau jòi bơta kis mê.”

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Mathiơ 23:7

kòñ gơs cau lùp còp să tòm gùl drà, mơ kòñ gơs cau sơnđan he la Rabi.

Mathiơ 23:8

Mơya bol mê bañ lòi cau sơnđan bol mê la Rabi, bơh bol mê gơs mìng dô Bơtau la Cau Bơto, ai jơh ală bol mê la oh mi.

Jơnau Niam Jat Mak 12:14

Behơ̆ ală cau hơ̆ lòt tus, đơs mơ Kơnràñ lah: “Ơ Cau Bơto, bol hi git ồng la cau đơs jơnau song, ò ơn nùs gơwèt hơ bơta kơlôi cau ndai dê. Bơh ồng ò sền đah bơdìh cau dê mơya bơto gùng Yàng Tom Trồ dê dô bă song ngan; behơ̆ boh dia bơtau in la tòm toh mơ bơta boh lam sơl? Bol hi pal boh dia hala ò taih?”

Jang 1:38

Yàng Jesu wơlke, gŏ bol khai lòt jat gen lùp lah: “Ñcau bol mê jòi taih?” Bol khai ho lah: “Rabi, (gơtha la cau bơto), ntềng đah Cau Bơto ơm?”

Jang 10:38

Ai dilah Añ lơh ală broă hơ̆, gen bulah bol mê ò dòn Añ, dòn tĕ ală broă Añ jê, nàng bol mê in rgơi git mơ wă lah Bèp ơm tòm Añ mơ Añ ơm tòm Bèp.”

Jang 12:37

Bulah Kơnràñ neh lơh oă ngan tềl krơi di đap bol khai, mơya bol khai kung ò dòn Kơnràñ,

Jang 14:10

Mê ò dòn lah Añ ơm tòm Bèp mơ Bèp ơm tòm Añ ò ơ? Ală jơnau Añ đơs mơ bol mê, ò di bơh Añ đơs is Añ jê, mơya hơ̆ la Bèp ơm tòm Añ mơ lơh broă Kơnràñ dê.

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Jang 2:11

Hơ̆ la tòm Kana kơnhwàl Galile, Yàng Jesu lơh tềl krơi dơ̆ sơnròp mơ yal tơlik bơta gơklŏ Kơnràñ dê; gen ală cau bơtê dòn Kơnràñ.

Jang 20:16

Yàng Jesu đơs lah: “Ơ Mari!” Mari wơlke, đơs mơ jơnau Hebrơ lah: “Rabôni!” (hơ̆ la Cau Bơto).

Jang 3:26

Bol khai lòt tus hơ Jang mơ đơs lah: “Ơ Rabi, cau neh ơm mơ ồng đah mattơngai lik hiòng Jordan, mơ geh ồng lơh cơng niam, tŭ do khai ơm lơh ƀaptem mơ jơh tơl nă cau lòt tus hơ khai.”

Jang 4:31

Kung tòm tŭ hơ̆, ală cau bơtê dan Kơnràñ lah: “Ơ Rabi, dan jà sào.”

Jang 5:36

Mơya Añ gơs bơta lơh cơng dờng rlau mơ bơta lơh cơng Jang dê, bơh ală broă Bèp neh jào Añ in lơh wil tơl, ală broă Añ lơh hơ̆ lơh cơng bơh Añ lah Bèp neh sồr Añ lòt tus.

Jang 6:2

Gơs dô mpồl làng bol oă jat Kơnràñ, bơh neh gŏ ală tềl krơi Kơnràñ lơh ală cau kòp jê in.

Jang 7:31

Mơya tòm làng bol gơs oă cau dòn Kơnràñ, mơ đơs lah: “Tŭ Bơtau Krist tus, rơp lơh oă tềl krơi rlau mơ cau do neh lơh sơl ơ?”

Jang 9:16

Gơs cau ƀà tòm mpồl cau Pharisi đơs lah: “Cau hơ̆ ò di tus bơh Yàng Tom Trồ, bơh khai ò prap gàr ngai Saƀat.” Cau ndai đơs lah: “Dô nă cau glài mbe rgơi lơh ală tềl krơi behơ̆ taih?” Mơ digùl bol khai gơs bơta cah mpồl.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Philip 1:14

Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

Ală Kwang Cahrña 6:27

Gen Gideôn ngui jơt nă cau tòm mpồl cau duh broă khai dê mơ lơh jat bơta Yàng Jehôwa neh sồr khai lơh. Mơya tài bơh rngòt di hìu nhă khai dê mơ di ală làng bol tòm ƀòn dờng, gen khai ò lơh bơta hơ̆ tòm trồ ngai mơya lơh gơs tòm trồ mang.