Jang 3:15 - Sră Goh 2018

¹⁵ tồ cau lơi dòn Kơnràñ gen geh bơta kis gam sùm sùm.

Jang 3:15 Mawu Ofanana

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Khà Làng Bol 21:9

Behơ̆ Môise lơh gơs dô nơm bơs mơ kòng yồng hơđang dô nơm jrong. Gen tòm tŭ cau lơi neh bơs kap mơ tơnggòr sền di bơs kòng gen khai geh kis.

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Jơnau Niam Jat Mak 16:16

Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài.

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 3:36

Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Jang 6:47

Di ngan, Añ đơs ngan mơ bol mê, cau lơi dòn Añ gen geh bơta kis gam sùm sùm.

Broă 13:41

‘Ơ cau pơnhừ să! Nrơt nrơl mơ roh rui tĕ! Bơh tòm rài bol mê, Añ rơp lơh dô nơm broă, Bulah gơs cau yal wơl, bol mê kung ò dòn.’”

Broă 8:36

Tòm tŭ bàr nă bol khai lòt rò gùng, tus di tiah gơs dà, gen cau kwang kơndời hơ̆ đơs lah: “Do gơs dà do, gơs bơta lơi kơryan añ gơs ƀaptem sơl?” [

Rôma 5:21

behơ̆, tồi glài neh at bồ lam tus hơ bơta chơt be lơi, gen bơta nđàc kung at bồ tòm bơta song ring behơ̆ sơl, nàng lam bol he tus hơ bơta kis gam sùm sùm bơh Yàng Jesu Krist, la Yàng bol he dê.

I Kôrintô 1:18

Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

II Kôrintô 4:3

Dilah Jơnau Niam bol hi dê gam kìng ndơp, la mìng kìng ndơp ală cau kòl roh rui in lơm.

Galati 2:16

Bulah behơ̆, bol hi kung neh git lah cau geh kòp la song ring, ò di bơh ală broă jat bơta boh lam dê, mơya kơnòm di bơta dòn tòm Yàng Jesu Krist, gen tàng să tòm bol hi neh dòn tòm Krist Jesu, nàng geh kòp la song ring bơh bơta dòn tòm Bơtau Krist, ò di bơh ală broă bơta boh lam dê, bơh ò gơs cau lơi geh kòp la song ring bơh ală broă bơta boh lam dê.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Hebrơ 10:39

Mơya bol he ò di bal mơ ală cau ruc wơl mơ kong roh rui, mơya bal mơ ală cau gơs bơta dòn nàng geh dong klàs hwềng soàn.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.