Jang 3:14 - Sră Goh 2018

¹⁴ Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Jang 3:14 Mawu Ofanana

II Ală Bơtau 18:4

Khai sòr tơrlah jơh ală tiah jơnhoa, pòng bơcah ală jrong duh khoai, pòng tơrlah ală rùp Asera, mơ pòng lề lac bơs kòng mơ Môise neh lơh; bơh jơl tus di tŭ hơ̆ cau Israel ơn phan duh khoai gơ in. Cau sơnđan rùp bơs hơ̆ la Nehustan.

Đơs Crih 22:16

Ngan ală so gòm gơrwàng gùt dar añ, Dô mpồl cau iơh bơsak gòm gơrwàng añ; Bol khai hwit bluh tê mơ jơng añ.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Mathiơ 26:54

Mơya dilah behơ̆, gen mbe lơi Sră Goh gơlik di ngan nàng broă do pal gơlik gơs taih?”

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Luka 24:20

mbe lơi ală cau gơnoar lam bồ ơn phan duh khoai mơ ală cau kwang bàng bol he dê neh jào Kơnràñ nàng lơh nền glài tơnchơt mơ neh pơng di chi pơng.

Jang 18:32

Bơta do gơlik di ngan be jơnau Yàng Jesu neh đơs, nàng sơnio Kơnràñ pal kong chơt be lơi.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Broă 2:23

Yàng Jesu neh kòl bơtào jat bơta lơh nền mơ bơta git lài Yàng Tom Trồ dê, mơ ală oh mi neh jồm tê cau iơh bơsak nàng pơng Yàng Jesu hơđang chi pơng mơ tơnchơt tơn.