Jang 3:11 - Sră Goh 2018

¹¹ Di ngan, di ngan, Añ đơs mơ mê, bol hi đơs bơta hi git, lơh cơng bơta hi neh gŏ; ai bol mê ò dòp jơnau lơh cơng bol hi dê.

Jang 3:11 Mawu Ofanana

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Esai 55:4

Ne, Añ neh bơtào khai lơh gơs cau lơh cơng ală làng bol in lơh gơs kwang lam bồ mơ kwang at bồ ală làng bol.

Esai 65:2

Añ neh pò tê Añ jê jơh ngai mho wèt mơ dô nơm làng bol jak tòmdră, la ală cau lòt tòm ală gùng ò niam, jat nùs kơlôi sơnơng is bol khai dê,

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 1:11

Kơnràñ neh tus tòm tiah Kơnràñ, mơya làng bol Kơnràñ ò dòp Kơnràñ.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 12:49

Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi.

Jang 14:24

Ai cau lơi ò kòñ gơboh di Añ gen ò prap gàr ală jơnau Añ jê; mơ jơnau bol mê kơno hơ̆, ò di la jơnau Añ jê, mơya la jơnau Bèp dê, la Bơtau neh sồr Añ lòt tus.

Jang 3:12

Dilah Añ đơs mơ bol mê ală broă bal mơ ù mơ bol mê ò dòn, tơ ài lah Añ đơs ală broă bal mơ trồ, gen mbe lơi bol mê dòn taih?

Jang 3:13

Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus.

Jang 3:3

Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl pa, gen ò rgơi gŏ lơgar Yàng Tom Trồ dê ò.”

Jang 3:5

Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò.

Jang 5:43

Añ neh ai sơnđan Bèp Añ mơ lòt tus, mơ bol mê ò dòp Añ. Dilah gơs cau ndai ai sơnđan is he dê mơ lòt tus, gen bol mê rơp dòp khai.

Jang 7:16

Yàng Jesu ho lah: “Gùng jơnau song Añ bơto ò di bơh Añ, mơya bơh Bơtau neh sồr Añ lòt tus.

Jang 8:14

Yàng Jesu ho lah: “Bulah Añ lơh cơng is bơh să tòm Añ, gen jơnau lơh cơng Añ jê la song ngan; bơh Añ git Añ neh tus bơh lơi mơ lòt tiah lơi, mơya bol mê ò git Añ tus bơh lơi hala lòt tiah lơi.

Jang 8:26

Añ gơs oă bơta đơs mơ cahrña bol mê; mơya Bơtau neh sồr Añ lòt tus la Bơtau song ngan, mơ Añ yal wơl dunnia in ală bơta Añ kơno bơh Kơnràñ.”

Jang 8:38

Añ đơs bơta Añ neh gŏ bơh di Bèp Añ, ai bol mê lơh bơta bol mê neh kơno bơh di bèp bol mê dê.”

Broă 22:18

añ gŏ Yàng Jesu đơs mơ añ lah: ‘Ntào tĕ sơrbac sơrbang, lik mhar bơh Jerusalem, tài bơh bol khai ò bài dòp jơnau lơh cơng mê dê bơh Añ ò.’

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê: