Jang 21:19 - Sră Goh 2018

¹⁹ Kơnràñ đơs bơta hơ̆ nàng sơnio bơh Pier rơp kong chơt be lơi nàng lơh gơklŏ Yàng Tom Trồ in. Tơnơ̆ mơ tŭ đơs behơ̆ rau, gen Kơnràñ đơs tai lah: “Jat tĕ Añ.”

Jang 21:19 Mawu Ofanana

Khà Làng Bol 14:24

Mơya tài bơh cau duh broă Añ jê la Kalep gơs hwềng nùs krơi is mơ jơh nùs lòt jat Añ, Añ rơp cèng khai mut tòm lơgar mơ khai neh lòt tus, mơ kòn sau khai rơp dòp geh lơgar hơ̆ lơh gơs sre brê.

Mathiơ 10:38

Cau lơi ò tui chi pơng khai dê mơ jat Añ, gen ò di pal Añ in.

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Mathiơ 8:22

Mơya Yàng Jesu đơs lah: “Jat tĕ Añ, lòi cau chơt tơp cau chơt bol khai dê.”

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 12:33

Kơnràñ đơs behơ̆, nàng sơnio bơh Kơnràñ rơp kong chơt be lơi.

Jang 18:32

Bơta do gơlik di ngan be jơnau Yàng Jesu neh đơs, nàng sơnio Kơnràñ pal kong chơt be lơi.

Jang 21:18

Di ngan, Añ đơs ngan mơ mê, tòm tŭ mê gam pơnu, mê kơt is but mê dê, kòñ lòt tiah lơi khat gơboh; mơya tòm tŭ mê kra, gen mê rơp pò tê, cau ndai kơt but mê in mơ hwài mê lòt tus di tiah mê ò bài.”

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

II Pier 1:14

bơh añ git lah ò gam jŏ tai añ rơp sang să jan do, be Yàng Jesu Krist bol he dê neh yal añ in git.

I Samuel 12:20

Behơ̆, Samuel ho wơl mơ làng bol lah: “Bañ rngòt, bol mê neh lơh jơh ală bơta iơh bơsak do, bulah behơ̆ bañ wèt sang Yàng Jehôwa, mơya jơh tĕ nùs duh broă Yàng Jehôwa.