Jang 21:15 - Sră Goh 2018

¹⁵ Tơnơ̆ mơ tŭ neh sa rau, Yàng Jesu đơs mơ Simôn Pier lah: “Ơ Simôn, kòn Jôna, mê kòñ gơboh di Añ rlau mơ ală cau do sơl?” Pier đơs lah: “Ơ Yàng, ơi, Kơnràñ git lah añ gơboh di Kơnràñ.” Kơnràñ đơs lah: “Ròng siam tĕ ală belàt kòn Añ jê.”

Jang 21:15 Mawu Ofanana

Sơnròp Gơlik Gơs 33:13

Mơ Jakôp đơs lah: “Bi git lah ală kòn dềt òsô, mơ ală mpồl belàt mơ mpồl kơnrồ bal mơ añ gơ gơs kòn se, dilah he bơklơn gơ lòt gùng mhar tòm dô ngai, gen chơt jơh ală mpồl gơ.

II Samuel 7:20

Ñchi jơnau Dabit gam kòñ đơs tai mơ Yàng taih? Bơh Yàng git cau duh broă Yàng dê, ơ Jehôwa Yàng Tom Trồ.

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Jeremi 23:4

Añ rơp bơtào ală cau ê hơđang bol khai nàng sền gàr bol khai; bol khai rơp ò rngòt rngơt tai, ò gơdô nùs mơ ò roh dô nơm lơi,” Yàng Jehôwa đơs behơ̆.

Jeremi 3:15

Añ rơp ai bol mê in ală cau ê gàr jat nùs kòñ Añ jê, la ală cau rơp ai bơta àng loh jak chài mơ ròng siam bol mê.”

Ejekiel 34:23

Añ rơp bơtào hơđang bol gơ dô nă cau ê, hơ̆ la Dabit cau duh broă añ jê, khai rơp ròng siam bol gơ; mơ lơh gơs cau ê gàr bol gơ.

Ejekiel 46:24

Khai đơs mơ añ lah: “Hơ̆ la ală tiah trŭ gơm phan sa mơ ală cau duh broă tòm hìu duh khoai rơp gơm ală phan ơn làng bol dê.”

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 26:33

Pier đơs lah: “Bulah jơh tơl nă gơtup tìs tài bơh Kơnràñ, mơya añ ò tŭ lơi gơtup tìs ò.”

Mathiơ 26:35

Pier đơs mơ Kơnràñ lah: “Bulah añ pal chơt bal mơ Kơnràñ, añ kung ò pơndang sang Kơnràñ ò.” Jơh tơl nă cau bơtê kung đơs behơ̆ sơl.

Jơnau Niam Jat Mak 14:29

Pier đơs lah: “Bulah jơh tơl nă gơtup tìs, mơya Añ gen ò!”

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Jang 1:42

Gen khai lam Simôn lòt tus hơ Yàng Jesu. Yàng Jesu sền gŏ Simôn gen đơs lah: “Mê la Simôn, kòn Jôna dê, mê rơp geh sơnđan la Sepha,” (gơtha la Pier).

Jang 13:37

Pier đơs lah: “Ơ Yàng, ñchi bơh tài tòm tŭ do añ ò rgơi jat Kơnràñ taih? Añ rơp bơh Kơnràñ mơ phi bơta kis añ!”

Jang 16:27

Bơh să tòm Bèp kòñ gơboh di bol mê, tài bơh bol mê neh kòñ gơboh di Añ, mơ dòn lah Añ bơh Yàng Tom Trồ mơ tus.

Jang 21:12

Yàng Jesu đơs lah: “Tus tĕ sa.” Mơya ò gơs dô nă cau bơtê lơi khin lùp Kơnràñ lah: “Ồng la ñcau?” Bơh git hơ̆ la Yàng.

Jang 21:7

Behơ̆ cau bơtê Yàng Jesu kòñ gơboh đơs mơ Pier lah: “Hơ̆ la Yàng.” Dơ̆ Simôn Pier kơno hơ̆ la Yàng, gen khai ai ào jrùh pùt di să khai tài bơh ơm kuh, mơ ntruñ tòm dàlềng.

Jang 8:42

Yàng Jesu đơs lah: “Dilah Yàng Tom Trồ la Bèp bol mê gen bol mê rơp kòñ gơboh di Añ, tài bơh Añ lik bơh Yàng Tom Trồ mơ bơh Kơnràñ mơ tus; bơh Añ ò di tus is Añ jê ò, mơya să tòm Kơnràñ neh sồr Añ lòt tus.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Broă 20:29

Añ git lah tơnơ̆ mơ tŭ añ lòt, gen rơp gơs so rhau jàñ bơsak mut tòm oh mi, gơ ò pơlai mpồl belàt ò.

Rôma 14:1

Dòp rò tĕ cau lơbơn tòm bơta dòn, mơya bañ pơndang bal bơh nùs kơlôi is cau dê.

Rôma 15:1

Behơ̆ bol he la cau pràn tòm bơta dòn pal àñ tui tĕ bơta lơbơn lơño ală cau òsô in, bañ lơh tồ niam nùs he.

I Kôrintô 8:11

Tài bơh hơ̆ bơta git jak mê dê lơh oh mi lơbơn lơño hơ̆ in roh rui, la cau mơ Bơtau Krist neh kong chơt ala.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

I Jang 4:19

Bol he kòñ gơboh tài bơh Kơnràñ neh kòñ gơboh di bol he lài.

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.