Jang 20:26 - Sră Goh 2018

²⁶ Tòm phàm ngai tơnơ̆, ală cau bơtê Kơnràñ dê ơm bal tòm hìu, gơs Thôma ơm bal sơl; ală mpồng neh til, Yàng Jesu tus ntào digùl bol khai mơ đơs lah: “Lơngap lơngai bol mê in!”

Jang 20:26 Mawu Ofanana

Esai 26:12

Ơ Yàng Jehôwa, Kơnràñ rơndap nền bơta ring lơngai bol hi in; jơh ală broă bol hi lơh gơs, Kơnràñ neh lơh bol hi in.

Esai 27:5

Hala lòi tĕ gơ sơmbat di Añ nàng geh sền gàr; lòi tĕ gơlơh gơtòmsòr mơ Añ, lòi tĕ gơlơh gơtòmsòr mơ Añ.”

Esai 54:10

Bulah ală mơnơm gơ dô mơ ală dòr kòl ntròn bơh di tiah gơ dê, mơya bơta kòñ gơboh kơ̆ dơn Añ jê rơp ò cah ngài bơh ai, mơ bơta ho bal lơngap lơngai Añ jê rơp ò tŭ lơi tòmgơl,” Yàng Jehôwa đơs behơ̆ la Bơtau neh kòñ nđàc ai.

Mathiơ 17:1

Prau ngai tơnơ̆, Yàng Jesu lam Pier, Jakơ mơ Jang la oh khai dê, guh is hơđang mơnơm jòng.

Jơnau Niam Jat Mak 16:14

Tơnơ̆ tai, Yàng Jesu tơlik să mơ jơt dùl nă cau bơtê tòm tŭ bol khai nggui sào, Kơnràñ lah pơrhơng bol khai bơh bơta ò dòn mơ nùs kră kơldang, tài bơh bol khai ò dòn ală cau neh gŏ Kơnràñ tơnơ̆ mơ tŭ Kơnràñ kis wơl.

Luka 24:36

Tòm tŭ bol khai gam đơs ală bơta hơ̆, să tòm Yàng Jesu ntào digùl bol khai mơ đơs lah: “Lơngap lơngai bol mê in.”

Luka 9:28

Pơgap phàm ngai tơnơ̆ mơ tŭ đơs ală jơnau hơ̆, Yàng Jesu lam Pier, Jang mơ Jakơ guh bal mơ Kơnràñ hơđang mơnơm nàng hòi dan.

Jang 11:16

Bơh hơ̆ Thôma, sơnđan la Didim, đơs mơ ală cau bơtê ndai lah: “Bol he lòt lă tus tềng hơ̆ chơt bal mơ Kơnràñ!”

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 20:19

Tòm mho ngai hơ̆, la ngai sơnròp tòm dô poh, ală mpồng di tiah ală cau bơtê ơm neh til tài bơh bol khai rngòt di cau Juda, Yàng Jesu tus ntào digùl bol khai mơ đơs lah: “Lơngap lơngai bol mê in!”

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Jang 21:1

Tơnơ̆ mơ hơ̆ Yàng Jesu tơlik să tai mơ ală cau bơtê Kơnràñ dê di gah dàlềng Tiberias. Bơta tơlik să Kơnràñ dê be do:

Jang 21:14

Hơ̆ la dơ̆ pe mơ Yàng Jesu tơlik să mơ ală cau bơtê, tơnơ̆ mơ tŭ Kơnràñ kis wơl bơh bơta chơt.

Broă 1:3

Kơnràñ ai oă cơng tàng yal loh ală cau gơnoar bơto dờng in lah Kơnràñ neh kis, tơnơ̆ mơ tŭ neh kong chơt, mơ tơlik să mơ bol khai tòm poan jơt ngai, bơto yal ală bơta bơh lơgar Yàng Tom Trồ.