Jang 2:24 - Sră Goh 2018

²⁴ Mơya Yàng Jesu, să tòm Kơnràñ ò dòn kơnòm di bol khai in, bơh Kơnràñ git loh tơl nă cau,

Jang 2:24 Mawu Ofanana

I Ală Bơtau 8:39

gen dan Yàng hơđang trồ, la tiah Yàng ơm, iat tĕ, toh glài, lơh broă, mơ tơm wơl kòp nă jat be broă bol khai neh lơh, bơh ngan mìng dô nă Yàng lơm git loh nùs kòn mơnus dê,

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jơnau Niam Jat Mak 2:8

Tòm hwềng nùs Yàng Jesu git bol khai bơyai bal behơ̆, gen đơs mo lah: “Ñchi bơh tài bol mê kơlôi is tòm nùs behơ̆ taih?

Jang 1:42

Gen khai lam Simôn lòt tus hơ Yàng Jesu. Yàng Jesu sền gŏ Simôn gen đơs lah: “Mê la Simôn, kòn Jôna dê, mê rơp geh sơnđan la Sepha,” (gơtha la Pier).

Jang 16:30

Tŭ do bol hi git lah Kơnràñ git jơh ală bơta, ò càng cau lơi lùp Kơnràñ; bơh hơ̆ bol hi dòn lah Kơnràñ lik bơh di Yàng Tom Trồ”

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 4:16

Yàng Jesu sồr lah: “Lòt tĕ hòi bau klau ai dê, lồc behơ̆ rê wơl hơ do.”

Jang 5:42

Mơya Añ git bol mê ò gơs bơta kòñ gơboh Yàng Tom Trồ ơm tòm bol mê.

Jang 6:15

Yàng Jesu git bol hơ̆ rơp tus bơtào bơklơn Kơnràñ lơh gơs bơtau, gen pleh hơđang mơnơm ơm is dô nă.

Jang 6:64

Mơya dô êt nă tòm bol mê gơs cau ò dòn.” Bơh Yàng Jesu neh git bơh sơnròp ñcau la cau ò dòn, ñcau la cau rơp pơrlơ̆ dră di Kơnràñ.

Broă 1:24

Lồc behơ̆ bol khai hòi dan lah: “Khoai Yàng, Kơnràñ git nùs tơl nă cau, dan Yàng sơnio bol hi in tòm bàr nă cau do, ñcau la cau Yàng neh sac rwah,

Broă 15:8

Yàng Tom Trồ la Bơtau git nùs tơl nă cau, neh lơh cơng Kơnràñ dòp rò bol khai tòm tŭ ai Yàng Hwềng Goh bol khai in kung be ai bol he in sơl.

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”