Jang 2:11 - Sră Goh 2018

¹¹ Hơ̆ la tòm Kana kơnhwàl Galile, Yàng Jesu lơh tềl krơi dơ̆ sơnròp mơ yal tơlik bơta gơklŏ Kơnràñ dê; gen ală cau bơtê dòn Kơnràñ.

Jang 2:11 Mawu Ofanana

I Ală Bơtau 17:24

Gen khai đơs mơ Eli lah: “Tŭ do añ đal git ồng la dô nă cau Yàng Tom Trồ dê, mơ jơnau Yàng Jehôwa dê ơm tòm bơr ồng la song ngan.”

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Đơs Crih 96:3

Yal tơlik tĕ bơta gơklŏ Kơnràñ digùl ală lơgar, Yal tơlik ală broă crih crài Kơnràñ dê digùl jơh ală làng bol!

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Lik Ejiptơ 4:9

Mơya dilah bol khai ò dòn jơh bàr bơta tềl krơi do, mơ ò iat jơnau mê, gen ai tĕ dô êt dà tòm hiòng Nil mơ tuh gơ hơđang ù rañ rsơh. Dà mơ mê neh ai bơh tòm hiòng hơ̆ rơp gơlik gơs mhàm hơđang ù.”

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Esai 40:5

Gen bơta gơklŏ Yàng Jehôwa dê rơp geh yal tơlik, jơh tơl nă kòn mơnus rơp sền gŏ bơta hơ̆, bơh bơr Yàng Jehôwa dê neh đơs behơ̆.”

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Jang 1:43

Ngai tơnơ̆, Yàng Jesu kòñ lòt hơ Galile. Kơnràñ bàn Philip mơ đơs lah: “Jat tĕ Añ.”

Jang 1:50

Yàng Jesu ho khai lah: “Bơh Añ neh đơs, Añ gŏ mê ơm di tòm chi ƀal, gen tàng mê dòn ơ? Mê rơp gŏ ală broă dờng rlau mơ bơta hơ̆ tai.”

Jang 10:41

Gơs oă cau lòt tus hơ Kơnràñ mơ đơs lah: “Jang ò lơh dô nơm tềl krơi lơi ò, mơya ală bơta Jang neh đơs bơh cau do la song ngan.”

Jang 11:15

Mơya tài bơh bol mê, Añ hòn chò bơh ò gơs Añ tềng hơ̆, nàng bol mê in dòn; Tŭ do bol he lòt lă tus hơ khai.”

Jang 11:47

Tài behơ̆, ală cau gơnoar lam bồ ơn phan duh khoai mơ ală cau Pharisi pơjum Mpồl Kwang Tơrña mơ đơs lah: “Ñchi bol he pal lơh taih? Cau do lơh oă ngan tềl krơi.

Jang 12:18

Kung bơh bơta hơ̆ tàng mpồl làng bol lòt rò Kơnràñ, la bơh bol khai neh kơno Kơnràñ lơh tềl krơi hơ̆.

Jang 12:37

Bulah Kơnràñ neh lơh oă ngan tềl krơi di đap bol khai, mơya bol khai kung ò dòn Kơnràñ,

Jang 12:41

Esai đơs ală bơta hơ̆, bơh neh gŏ bơta gơklŏ Kơnràñ dê mơ đơs bơh Kơnràñ.

Jang 14:13

Bol mê ai sơnđan Añ mơ dan bơta lơi, gen Añ rơp lơh, nàng Bèp in geh gơklŏ dê Kòn.

Jang 16:27

Bơh să tòm Bèp kòñ gơboh di bol mê, tài bơh bol mê neh kòñ gơboh di Añ, mơ dòn lah Añ bơh Yàng Tom Trồ mơ tus.

Jang 16:30

Tŭ do bol hi git lah Kơnràñ git jơh ală bơta, ò càng cau lơi lùp Kơnràñ; bơh hơ̆ bol hi dòn lah Kơnràñ lik bơh di Yàng Tom Trồ”

Jang 2:1

Tòm ngai dơ̆ pe, gơs bơta tòmbau tòm Kana kơnhwàl Galile, mơ mè Yàng Jesu gơs tềng hơ̆.

Jang 2:23

Kơnràñ ơm tòm Jerusalem tòm tŭ pơjum sa Lòt Gan, gơs oă cau gŏ ală tềl krơi Kơnràñ neh lơh, gen dòn di sơnđan Kơnràñ.

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 4:3

Gen Kơnràñ lik bơh kơnhwàl Jude mơ rê wơl hơ kơnhwàl Galile.

Jang 4:46

Behơ̆, Kơnràñ tus wơl tòm Kana kơnhwàl Galile, la tiah Kơnràñ neh lơh dà gơlik gơs tơrnòm. Dô nă cau kwang dờng bơtau dê tòm Kapenaum gơs kòn klau kòp jê.

Jang 4:54

Hơ̆ la tềl krơi dơ̆ bàr mơ Yàng Jesu neh lơh, tơnơ̆ mơ tŭ Kơnràñ bơh Jude rê hơ Galile.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 6:14

Behơ̆ ală cau gŏ tềl krơi Yàng Jesu neh lơh, gen đơs lah: “Cau do ngan la cau gơnoar hwơr pal tus tòm dunnia.”

Jang 6:2

Gơs dô mpồl làng bol oă jat Kơnràñ, bơh neh gŏ ală tềl krơi Kơnràñ lơh ală cau kòp jê in.

Jang 6:26

Yàng Jesu ho lah: “Di ngan, Añ đơs ngan mơ bol mê, bol mê jòi Añ ò di bơh neh gŏ ală tềl krơi, mơya bơh bol mê neh sa hòm piang lă jat be nùs kòñ.

Jang 6:30

Bol khai đơs lah: “Behơ̆ gen, ồng lơh tềl krơi lơi nàng bol hi in gŏ mơ dòn taih? Ñchi ồng lơh taih?

Jang 7:31

Mơya tòm làng bol gơs oă cau dòn Kơnràñ, mơ đơs lah: “Tŭ Bơtau Krist tus, rơp lơh oă tềl krơi rlau mơ cau do neh lơh sơl ơ?”

Jang 9:16

Gơs cau ƀà tòm mpồl cau Pharisi đơs lah: “Cau hơ̆ ò di tus bơh Yàng Tom Trồ, bơh khai ò prap gàr ngai Saƀat.” Cau ndai đơs lah: “Dô nă cau glài mbe rgơi lơh ală tềl krơi behơ̆ taih?” Mơ digùl bol khai gơs bơta cah mpồl.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Yal Wơl 5:24

mơ bol mê đơs lah: ‘Jehôwa Yàng Tom Trồ bol hi dê neh ràng tơlik bol hi in bơta gơklŏ mơ bơta ryŭ ryơm Kơnràñ dê, mơ bol hi neh kơno sap đơs Kơnràñ dê bơh tòm ồs. Ngai do, bol hi neh gŏ lah dô nă cau rgơi gam kis bulah Yàng Tom Trồ đơs mơ bol khai.

I Jang 5:13

Añ cih bơta do oh mi in, la cau dòn di sơnđan Kòn Yàng Tom Trồ dê, tồ oh mi in git he gơs bơta kis gam sùm sùm