Jang 19:7 - Sră Goh 2018

⁷ Cau Juda ho lah: “Bol hi gơs dô bơta boh lam, jat bơta boh lam hơ̆ khai pal chơt, tài bơh khai neh sơnđan is să khai la Kòn Yàng Tom Trồ.”

Jang 19:7 Mawu Ofanana

Esai 53:4

Ngan Kơnràñ neh àñ bơta kòp jê bol he dê, neh ơnòng bơta moat jrùng bol he dê bulah behơ̆ bol he neh kơlôi lah Kơnràñ neh kong Yàng Tom Trồ pù lơh, mơ lơh pơnjê pơngkồr.

Lebi 24:16

cau lơi đơs tràl sơrbil di Sơnđan Yàng Jehôwa gen cau hơ̆ pal kong tơnchơt. Jơh dô mpồl jơnum pal cơm lŭ tơnchơt khai. Bulah la dô nă cau làng bơdìh hala dô nă cau deh tòm lơgar, tòm tŭ khai đơs tràl sơrbil di Sơnđan Yàng Jehôwa gen khai pal kong tơnchơt.

Jơnau Niam Jat Mak 15:39

Cau at dô rhiang ling ntào tòm toh di chi pơnggŏ Yàng Jesu chơt behơ̆, gen đơs lah: “Cau do ngan la Kòn Yàng Tom Trồ dê.”

Jang 19:8

Tòm tŭ Pilat kơno jơnau hơ̆ gen sơlo rngòt oă tai.

Jang 5:18

Tài bơh hơ̆, ală cau Juda sơlo jòi bơta nàng tơnchơt Kơnràñ, bơh Kơnràñ ò di mìng tìs ngai Saƀat lơm, mơya kung sơnđan Yàng Tom Trồ la Bèp, lơh is să he ndròm bal mơ Yàng Tom Trồ.

Broă 18:13

mơ yă lah: “Cau do bơchồt làng bol duh khoai Yàng Tom Trồ tìs mơ bơta boh lam.”

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Yal Wơl 18:20

Mơya dô nă cau gơnoar hwơr lơi ai sơnđan mơ đơs jơnau lơi Añ ò sồr khai đơs, hala dô nă cau gơnoar hwơr lơi ai sơnđan ală yàng ndai mơ đơs gen pal kong tơnchơt.”