Jang 19:6 - Sră Goh 2018

⁶ Mơya tòm tŭ ală cau gơnoar lam bồ ơn phan duh khoai mơ ală cau ling gŏ Kơnràñ, gen driau dờng lah: “Pơng tĕ khai di chi pơng, pơng tĕ khai di chi pơng!” Pilat đơs mơ bol khai lah: “Să tòm bol mê cèng tĕ khai mơ pơng di chi pơng, tài bơh añ ò bàn glài dô êt lơi tòm khai.”

Jang 19:6 Mawu Ofanana

Mathiơ 26:58

Pier jat Kơnràñ ngài ngài tus di gơlang cau gơnoar dờng lam bồ ơn phan duh khoai dê, mut nggui bal mơ ală cau ling nàng sền bơta lồi dut broă hơ̆ la mbe lơi.

Mathiơ 27:22

Pilat đơs lah: “Behơ̆ ñchi añ rơp lơh di Jesu sơnđan la Krist taih?” Jơh ală bol khai ho lah: “Pơng tĕ Khai di chi pơng.”

Mathiơ 27:24

Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.”

Luka 23:4

Gen Pilat đơs mơ ală cau gơnoar dờng lam bồ ơn phan duh khoai mơ mpồl làng bol lah: “Añ ò gŏ cau do gơs glài lơi ò.”

Jang 18:3

Behơ̆ Juda lam dô mpồl ling bal mơ ală cau duh broă bơh ală cau gơnoar lam bồ ơn phan duh khoai mơ ală cau Pharisi dê, lòt tus tềng hơ̆, at ồs đèng, ồs sơmpòl mơ pềs tà.

Jang 18:31

Behơ̆ Pilat đơs mơ bol khai lah: “Să tòm bol mê cèng tĕ khai mơ cahrña jat be bơta boh lam bol mê dê.” Cau Juda đơs lah: “Bol hi ò gơs gơnoar tơnchơt cau lơi ò.”

Jang 18:38

Pilat lùp lah: “Jơnau song la ñchi taih?” Neh đơs behơ̆ rau, gen Pilat lik wơl tai, lòt tus hơ ală cau kwang cau Juda mơ đơs lah: “Añ ò bàn dô êt lơi glài tòm cau do.

Jang 19:15

Bol khai driau dờng lah: “Tơnroh tĕ khai, tơnroh tĕ khai! Pơng tĕ khai di chi pơng!” Pilat đơs mơ bol khai lah: “Añ rơp pơng bơtau bol mê di chi pơng ơ?” Ală cau gơnoar lam bồ ơn phan duh khoai ho lah: “Bol hi ò gơs bơtau ndai tai rlau mơ Sesa.”

Jang 19:4

Pilat lik wơl dô dơ̆ tai, mơ đơs mơ làng bol: “Do añ lam khai lik hơ bol mê, nàng bol mê in git lah añ ò bàn glài lơi tòm khai.”

Broă 2:23

Yàng Jesu neh kòl bơtào jat bơta lơh nền mơ bơta git lài Yàng Tom Trồ dê, mơ ală oh mi neh jồm tê cau iơh bơsak nàng pơng Yàng Jesu hơđang chi pơng mơ tơnchơt tơn.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;