Jang 19:30 - Sră Goh 2018

³⁰ Tŭ Yàng Jesu neh liap dà sràt hơ̆, gen đơs lah: “Sir rau.” Gen Kơnràñ kun bồ mơ tơlik hwềng.

Jang 19:30 Mawu Ofanana

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Đơs Crih 22:15

Bơta pràn kơldang añ jê ro be nsàng glah, Mơ lơmpiat añ gơđềt di dò; Yàng neh tơmbic añ tòm thul ơmul bơta chơt dê.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 27:50

Yàng Jesu hòi tai dô jơnau dờng, gen tac nhơm.

Mathiơ 3:15

Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau.

Jơnau Niam Jat Mak 15:37

Yàng Jesu hòi dô jơnau dờng, gen chơt.

Luka 22:37

Bơh Añ đơs mơ bol mê, jơnau Sră Goh neh cih lah: ‘Cau kòp Kơnràñ tòm sèng cau glài,’ pal gơlik di ngan di Añ. Bơh ală bơta neh cih bơh Añ pal gơlik gơs di ngan.”

Luka 23:46

Gen Yàng Jesu hòi driau dờng mơ lah: “Ơ Bèp, Añ jào hwềng tòm tê Bèp.” Kơnràñ đơs sir rau gen tac nhơm.

Jang 10:11

Añ la cau ê niam. Cau ê niam bơh mpồl belàt mơ phi bơta kis he.

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Jang 17:4

Añ neh lơh gơklŏ Bèp in tòm ù, mơ lơh sir broă Bèp neh jào Añ in lơh.

Jang 19:28

Tơnơ̆ mơ hơ̆ Yàng Jesu git ală broă neh sir rau, tồ jơnau Sră Goh in gơlik di ngan, gen đơs lah: “Añ tơhìr dà.”

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Rôma 10:4

bơh Bơtau Krist la bơta lồi dut bơta boh lam dê, nàng kòp nă cau dòn geh kòp la song ring.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

I Kôrintô 5:7

Lơh goh tĕ kañ yau, nàng oh mi in gơlik gơs dô kơnac kơmbuh pa. Be oh mi ngan la kơnac kơmbuh ò gơs kañ, ngan be añ git oh mi la behơ̆. Bơh Bơtau Krist la Belàt Kòn bơta Pơjum Sa Lòt Gan bol he dê neh kong chơt rau.

Philip 2:8

Kơnràñ neh gơs rùp să be dô nă cau, gen pìn pơndêt is să he, dòn bơr jơl chơt, tian gơs chơt hơđang chi pơng.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 9:22

Jat bơta boh lam gen jơh ală phan pal kơnòm di mhàm sồng geh goh, dilah ò gơs bơta hòr mhàm gen ò geh bơta toh glài.