Jang 18:36 - Sră Goh 2018

³⁶ Yàng Jesu ho lah: “Lơgar Añ ò di bal mơ dunnia do. Dilah lơgar Añ bal mơ dunnia do, gen ală cau jat Añ neh tòmlơh, nàng Añ ò kong bơtào tòm tê cau kwang Juda dê mơya tŭ do lơgar Añ ò di bal mơ dunnia do.”

Jang 18:36 Mawu Ofanana

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 26:53

Mê kơlôi lah Añ ò rgơi dan mơ Bèp Añ, gen Kơnràñ sồr mo rlau jơt bàr mpồl cau gơnrơh tus mơ Añ ò ơ?

Luka 12:14

Mơya Kơnràñ đơs mơ khai: “Ơ cau ne, ñcau neh bơtào Añ lơh gơs cau kwang cahrña hala cau tòm pà phan bol mê in taih?”

Jang 18:35

Pilat ho lah: “Añ la cau Juda ơ? Làng bol mê dê mơ ală cau gơnoar lam bồ ơn phan duh khoai neh bơtào mê añ in; behơ̆ ñchi bơta mê neh lơh taih?”

Jang 6:15

Yàng Jesu git bol hơ̆ rơp tus bơtào bơklơn Kơnràñ lơh gơs bơtau, gen pleh hơđang mơnơm ơm is dô nă.

Jang 8:15

Bol mê cahrña jat poac să, Añ ò cahrña dô nă cau lơi ò.

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

I Timôthe 6:13

Di đap Yàng Tom Trồ la Bơtau ai bơta kis jơh ală phan in mơ di đap Yàng Jesu Krist la Bơtau neh lơh cơng bơh bơta yal tơlik niam di đap Bônsơ Pilat, añ bơto mê kràñ cê,