Jang 18:25 - Sră Goh 2018

²⁵ Tòm tŭ Simôn Pier ntào ñjơr ồs, gen gơs cau lùp khai lah: “Mê ò di kung la dô nă cau bơtê khai dê ò ơ?” Gen khai pơndang mơ đơs lah: “Añ ò di.”

Jang 18:25 Mawu Ofanana

Sơnròp Gơlik Gơs 18:15

Bơh Sara rngòt gen pơndang mơ đơs lah: “Añ ò ñŏ ò!” Mơya Kơnràñ đơs lah: “Ngan ai neh ñŏ rau.”

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Mathiơ 26:69

Tŭ hơ̆ Pier ơm nggui đah bơdìh tòm ƀlàng. Gơs dô nă cau dĭ ùr tus đơs mơ khai lah: “Mê kung ơm bal mơ Jesu cau Galile.”

Jơnau Niam Jat Mak 14:66

Pier ơm di tiah tòm ƀlàng jơng hìu dờng. Gơs dô nă cau dĭ ùr cau gơnoar dờng lam bồ ơn phan duh khoai dê tus,

Luka 22:55

Bol khai sing ồs digùl ƀlàng mơ nggui bal; Pier kung nggui bal mơ bol khai sơl.

Luka 22:56

Dô nă cau dĭ ùr ne gŏ Pier nggui di gah, gen sền đal di khai mơ đơs lah: “Cau do kung ơm bal mơ cau hơ̆ sơl.”

Luka 22:57

Mơya Pier pơndang lah: “Ơ cau ùr gen, añ ò git cau hơ̆.”