Jang 18:11 - Sră Goh 2018

¹¹ Behơ̆ Yàng Jesu đơs mơ Pier lah: “Srồm tĕ đào mê tòm sơmprồm; mơngàn mơ Bèp neh ai Añ in, Añ ò di ñô ò ơ?”

Jang 18:11 Mawu Ofanana

II Samuel 16:10

Mơya bơtau ho lah: “Ơ ală kòn klau Jeruya, ñchi bơta gơkoă digùl bol mê mơ añ taih? Dilah khai srat rma gen hơ̆ la Yàng Jehôwa neh đơs mơ khai lah: ‘Srat rma tĕ Dabit.’ Behơ̆ ñcau rgơi lùp lah: ‘Ñchi bơh tài mê lơh behơ̆ taih?’”

Đơs Crih 75:8

Bơh tòm tê Yàng Jehôwa gơs mơngàn tơrnòm gơlik kơmbuh, Tơrnòm hơ̆ neh crài ring, Kơnràñ êt hòr lik bơh gơ, mơ jơh ală cau iơh bơsak tòm ù rơp ñô tơrnòm hơ̆ tus di but mơngàn.

Ejekiel 23:31

Ai neh lòt jat gùng bi ùr ai dê, gen tàng Añ rơp ơn mơngàn khai dê tòm tê ai.’

Mathiơ 20:22

Mơya Yàng Jesu ho lah: “Bol mê ò git bơta bol mê dan hơ̆. Bol mê rgơi hùc mơngàn mơ Añ rơp hùc sơl ơ?” Bol khai ho lah: “Bol hi rgơi.”

Mathiơ 26:39

Gen Kơnràñ lòt dô êt cơnđòa tai, blup mat tòm ù mơ hòi dan lah: “Ơ Bèp, dilah rgơi, dan lòi mơngàn do klàs bơh di Kòn; bulah behơ̆, ò di jat nùs kòñ Kòn dê, mơya jat nùs kòñ Bèp dê.”

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Luka 12:30

Bơh jơh ală bơta hơ̆ ală làng bol tòm dunnia òs jòi jat, mơya Bèp bol mê git bol mê pal càng ală bơta hơ̆ rau.

Luka 22:42

“Ơ Bèp, dilah Bèp kòñ, dan tă mơngàn do bơh di Añ! Bulah behơ̆, ò di jat nùs kòñ Añ, mơya jat nùs kòñ Bèp dê.” [

Jang 15:10

Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 18:36

Yàng Jesu ho lah: “Lơgar Añ ò di bal mơ dunnia do. Dilah lơgar Añ bal mơ dunnia do, gen ală cau jat Añ neh tòmlơh, nàng Añ ò kong bơtào tòm tê cau kwang Juda dê mơya tŭ do lơgar Añ ò di bal mơ dunnia do.”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

II Kôrintô 10:4

Bơh ală phan tòmlơh bol hi ngui ò di bal mơ dunnia, mơya la gơnap gơnoar Yàng Tom Trồ dê nàng sòr tơrlah ală theng kơ̆ cê, bol hi sòr tơrlah ală bơta bơyai tìs nrah,

II Kôrintô 6:7

jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.