Jang 17:6 - Sră Goh 2018

⁶ Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 17:6 Mawu Ofanana

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 22:22

Añ rơp bơto yal sơnđan Yàng ală oh mi añ in, Mơ jòng ro Yàng digùl mpồl jơnum.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Jơnau Pơnđik 2:10

Bơh bơta jak chài rơp mut tòm nùs kòn, Mơ hwềng soàn kòn rơp niam nùs bơh bơta git jak.

Jơnau Pơnđik 23:23

Blơi tĕ jơnau song, bơta jak chài, bơta bơto pơndòm, mơ bơta àng jak; bañ tŭ lơi tac gơ.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 12:28

Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Jang 15:3

Bol mê geh goh rau bơh jơnau Añ neh bơto yal bol mê in.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Jang 17:12

Tòm tŭ Añ gam ơm mơ bol khai, Añ sền gàr bol khai tòm sơnđan Bèp la sơnđan Bèp neh ai Añ in; Añ neh sền gàr bol khai ò gơs dô nă cau lơi roh, gơs mìng dô nă kòn bơta roh rui dê, tồ Sră Goh in gơlik di ngan.

Jang 17:14

Añ neh ai jơnau Bèp dê bol khai in, mơ dunnia gơjrañ di bol khai tài bơh bol khai ò bal mơ dunnia, kung be Añ ò bal mơ dunnia sơl.

Jang 17:16

Bol khai ò bal mơ dunnia, kung be Añ ò bal mơ dunnia.

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Jang 17:7

Tŭ do bol khai git lah jơh ală bơta Bèp neh ai Añ in la bơh Bèp mơ tus.

Jang 18:9

Bơta do gơlik di ngan be jơnau Kơnràñ neh đơs: “Añ ò lơh roh dô nă cau lơi tòm ală cau mơ Bèp neh ai Añ in.”

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 6:39

Do la nùs kòñ Bơtau neh sồr Añ lòt tus: Hơ̆ la jơh ală cau Kơnràñ neh ai Añ in, gen Añ ò lòi roh dô nă lơi, mơya Añ pal lơh bol khai in kis wơl tòm ngai lồi dut.

Jang 8:51

Di ngan, Añ đơs ngan mơ bol mê, dilah cau lơi prap gàr jơnau Añ, gen rơp ò tŭ lơi gŏ bơta chơt ò.”

Jang 8:52

Ală cau Juda đơs lah: “Bol hi git loh Cau Bơto kòl cà lơh; Abraham neh chơt, ală cau gơnoar hwơr kung behơ̆ sơl, mơ Cau Bơto đơs lah: ‘Dilah cau lơi prap gàr jơnau Añ, gen rơp ò tŭ lơi git làm bơta chơt!’

Broă 13:48

Tòm tŭ kơno jơnau hơ̆ gen làng bol bơdìh hòn chò ngan mơ jòng ro jơnau Yàng Tom Trồ, mơ ală cau neh geh lơh nền geh bơta kis gam sùm sùm gen gơlik gơs cau dòn.

Rôma 11:2

Yàng Tom Trồ ò sang lòi làng bol Kơnràñ neh git lài. Oh mi git jơnau Sră Goh cih bơh Eli, mbe khai yă làng bol Israel di đap Yàng Tom Trồ mơ đơs lah:

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

II Timôthe 1:13

Ai tĕ bơta dòn mơ bơta kòñ gơboh tòm Yàng Krist Jesu nàng kơrmap gàr kơr sơnoa gùng duh khoai song ngan mơ mê neh bơtê bơh di añ.

Hebrơ 2:12

mơ Kơnràñ đơs lah: “Añ rơp bơto yal sơnđan Yàng oh mi Añ in, Đơs chò jòng ro Yàng digùl mpồl jơnum.”

Hebrơ 3:6

Mơya Bơtau Krist dòn song be kòn klau at bồ hìu Yàng Tom Trồ dê; mơ bol he la hìu Kơnràñ dê, dilah bol he prap kơ̆ nùs dòn nền mơ bơta jòng să bơh bơta gơn kơnòm bol he dê.

I Pier 1:1

Pier, la cau gơnoar bơto dờng Yàng Jesu Krist dê, pơyoa ală cau geh sac rwah ơm nrah nring in tòm lơgar Pontus, Galati, Kapadôs, Asia mơ Bithini,

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.

Yal Tơlik 3:8

‘Añ git ală broă mê dê. Do Añ neh pò di đap mê dô nơm mpồng ò gơs cau lơi rgơi til; Añ git mê gơs mìng dô êt pràn, bulah behơ̆ mê neh prap gàr jơnau Añ jê mơ mê ò pơndang sang sơnđan añ.