Jang 17:3 - Sră Goh 2018

³ Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 17:3 Mawu Ofanana

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:3

Neh jŏ rau Israel kis ò gơs Yàng Tom Trồ song ngan, ò gơs dô nă cau gơnoar ơn phan duh khoai la cau bơto, mơ ò gơs bơta boh lam.

Đơs Crih 9:10

Cau lơi git sơnđan Kơnràñ gen dòn kơnòm di Kơnràñ, Ơ Yàng Jehôwa, bơh Kơnràñ ò sang lòi cau lơi jòi jat Kơnràñ.

Jơnau Pơnđik 8:35

Bơh dilah cau lơi jòi bàn añ gen bàn bơta kis, Mơ dòp geh bơta nđàc bơh Yàng Jehôwa;

Esai 48:16

Tus tĕ rềp mơ Añ mơ iat jơnau do: Bơh sơnròp Añ òhềt đơs tòm bơta ndơp ndơr; bơh di tŭ bơta hơ̆ gơlik gơs, Añ neh gơs tềng hơ̆ rau. Mơ tŭ do, Yàng Jehôwa At Bồ Hơđang Jơh neh sồr Añ, bal mơ Hwềng Kơnràñ dê.”

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Jơnau Niam Jat Mak 9:37

“Cau lơi bơh sơnđan Añ mơ wă rò dô nă cau be kơnòm dềt do, hơ̆ la wă rò Añ. Ai cau lơi wă rò Añ gen ò di la wă rò Añ, mơya la wă rò Bơtau neh sồr Añ lòt tus.”

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Jang 10:36

gen Añ do, la Bơtau Bèp neh ơn is sàng goh mơ sồr lòt tus tòm dunnia, ñchi bơh tài bol mê đơs Añ đơs tràl sơrbil tòm tŭ Añ đơs lah: ‘Añ la Kòn Yàng Tom Trồ,’ dê taih?

Jang 11:42

Añ neh git Bèp dòp jơnau Añ sùm, mơya Añ đơs bơta hơ̆ tài bơh ală cau ơm ntào gùt dar do, tồ bol khai in dòn lah Bèp neh sồr Añ lòt tus.”

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 17:18

Be Bèp neh sồr Añ lòt tus tòm dunnia, gen Añ kung sồr bol khai lòt tus tòm dunnia sơl.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 3:17

Bơh Yàng Tom Trồ sồr Kòn Kơnràñ tus tòm dunnia ò di nàng cahrña dunnia ò, mơya tồ dunnia in geh dong klàs.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Jang 6:57

Be Bèp la Bơtau kis neh sồr Añ lòt tus, mơ Añ kis bơh Bèp be lơi, gen cau lơi sa Añ kung rơp kis bơh Añ behơ̆ sơl.

Jang 7:29

Ai Añ gen git Kơnràñ, tài bơh Añ bơh Kơnràñ mơ tus, mơ Kơnràñ la Bơtau neh sồr Añ lòt tus.”

Jang 8:19

Behơ̆ bol khai lùp Kơnràñ lah: “Ntềng đah Bèp Cau Bơto dê taih?” Yàng Jesu ho lah: “Bol mê ò git Añ, mơ kung ò git Bèp Añ sơl. Dilah bol mê git Añ, gen kung git Bèp Añ tai sơl.”

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Philip 3:10

nàng añ in rgơi geh git Bơtau Krist mơ gơnap gơnoar bơta kis wơl Kơnràñ dê, mơ geh pơnah tòm bơta jê sồt Kơnràñ dê, lơh añ in gơlik gơs be Kơnràñ tòm bơta chơt Kơnràñ dê,

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

II Pier 1:2

Dan bơta nđàc mơ bơta lơngap lơngai geh ai bơtơl bềng lìu oh mi in kơnòm di bơta dòp git Yàng Tom Trồ mơ Yàng Jesu la Yàng bol he dê.

II Pier 1:3

Gơnap gơnoar sàng goh Yàng Tom Trồ dê neh ai bol he in jơh ală bơta gơrê bal mơ bơta kis mơ bơta duh rngòt, kơnòm di bơta dòp git Kơnràñ la Bơtau neh hòi sac bol he tòm bơta gơklŏ mơ bơta kơ̆ dơn Kơnràñ dê.

II Pier 1:8

Bơh dilah ală bơta hơ̆ gơs tơl tòm oh mi mơ tơngkah tơngkañ, gen rơp dong oh mi gơs kwơ mơ gơlik cồng nha tòm bơta dòp git Yàng Jesu Krist bol he dê.

I Jang 1:2

bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

I Jang 2:23

Cau lơi ò dòp Yàng Kòn, gen kung ò gơs Yàng Bèp; cau lơi dòp Yàng Kòn gen kung gơs Yàng Bèp sơl.

I Jang 4:6

Bol he la bal mơ Yàng Tom Trồ. Cau lơi dòp git Yàng Tom Trồ gen iat bol he, ai cau lơi ò bal mơ Yàng Tom Trồ gen ò iat bol he. Bơh bơta do bol he git hwềng jơnau song mơ hwềng jơnau tìs.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.