Jang 17:26 - Sră Goh 2018

²⁶ Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Jang 17:26 Mawu Ofanana

Đơs Crih 22:22

Añ rơp bơto yal sơnđan Yàng ală oh mi añ in, Mơ jòng ro Yàng digùl mpồl jơnum.

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Jang 15:4

Ơm tĕ sùm tòm Añ gen Añ rơp ơm sùm tòm bol mê. Be ntê, dilah ò gơđềt mơ tòm ño, gen ò rgơi gơlik plai is gơ dê ò, dilah bol mê ò ơm sùm tòm Añ gen kung behơ̆ sơl.

Jang 15:9

Bèp neh kòñ gơboh di Añ be lơi, gen Añ kung kòñ gơboh di bol mê behơ̆ sơl; ơm tĕ sùm tòm bơta kòñ gơboh Añ jê.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

Jang 8:50

Añ ò jòi bơta gơklŏ să tòm Añ jê, neh gơs Bơtau jòi bơta hơ̆ mơ cahrña.

Rôma 8:10

Behơ̆ dilah Bơtau Krist ơm tòm oh mi, gen să jan chơt tài bơh tồi glài, ai hwềng nùs kis bơh bơta song ring.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 12:12

Mơ tai, be să jan la dô nơm mơ gơs oă pơnah, mơ jơh ală pơnah hơ̆ la bal tòm să jan, bulah gơs oă pơnah, gơs mìng dô nơm să lơm; mơ Bơtau Krist kung behơ̆ sơl.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

Ephesô 5:30

tài bơh bol he la pơnah tòm să jan Kơnràñ dê.

Ephesô 5:32

Bơta ndơp ndơr do la dờng, mơya añ đơs bơh Bơtau Krist mơ Hìu Jum Goh.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:10

Oh mi kung geh bềng tơl tòm Kơnràñ, la Bơtau lam bồ jơh ală gơnoar at bồ, mơ jơh ală gơnoar.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Hebrơ 2:12

mơ Kơnràñ đơs lah: “Añ rơp bơto yal sơnđan Yàng oh mi Añ in, Đơs chò jòng ro Yàng digùl mpồl jơnum.”

I Jang 3:24

Jơh ală cau lơi prap gàr ală bơta sồr lam Yàng Tom Trồ dê gen ơm sùm tòm Yàng Tom Trồ, mơ Yàng Tom Trồ ơm sùm tòm ală cau hơ̆. Bơh bơta do bol he git Yàng Tom Trồ ơm sùm tòm bol he, hơ̆ la kơnòm di Yàng Hwềng mơ Yàng Tom Trồ neh ai bol he in.