Jang 17:2 - Sră Goh 2018

² Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 17:2 Mawu Ofanana

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 17:9

Añ bơh bol khai mơ hòi dan; ò di bơh dunnia mơ hòi dan, mơya bơh cau mơ Bèp neh ai Añ in, tài bơh bol khai bal mơ Bèp.

Jang 3:35

Bèp kòñ gơboh di Kòn mơ neh jào jơh ală bơta tòm tê Kơnràñ.

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 6:39

Do la nùs kòñ Bơtau neh sồr Añ lòt tus: Hơ̆ la jơh ală cau Kơnràñ neh ai Añ in, gen Añ ò lòi roh dô nă lơi, mơya Añ pal lơh bol khai in kis wơl tòm ngai lồi dut.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

I Kôrintô 15:25

Bơh Kơnràñ pal at bồ jơl tus di tŭ Yàng Tom Trồ “ơn jơh ală cau sò tơm hơđơm mpàng jơng Kơnràñ dê.”

Ephesô 1:20

Yàng Tom Trồ neh ngui gơnap gơnoar nàng lơh broă tòm Bơtau Krist, tòm tŭ lơh Bơtau hơ̆ in kis wơl bơh bơta chơt, mơ lơh Bơtau hơ̆ in nggui đah ma Kơnràñ hơđang trồ,

Philip 2:10

tồ bơh sơnđan Yàng Jesu mơ jơh ală gơltang hơđang trồ, tòm ù mơ hơđơm ù tai, rơp cùn lơm,

I Timôthe 1:16

Mơya añ neh geh Yàng kòñ nđàc, tồ Yàng Krist Jesu in yal tơlik bơta kong ơt wil tơl Kơnràñ dê tòm añ la cau glài kơnjơ̆ rlau jơh, nàng lơh krơh ală cau in rơp dòn Kơnràñ tồ geh bơta kis gam sùm sùm.

Hebrơ 1:2

tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

I Jang 1:2

bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.