Jang 17:11 - Sră Goh 2018

¹¹ Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.

Jang 17:11 Mawu Ofanana

Đơs Crih 79:9

Ơ Yàng Tom Trồ la Bơtau dong klàs bol hi, dan dong kòl bol hi, Bơh bơta gơklŏ sơnđan Yàng dê; dan dong klàs, mơ dan toh glài bol hi in, tài bơh sơnđan Kơnràñ.

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Esai 27:3

Añ, Yàng Jehôwa, la cau sền gàr gơ, Añ tuh dà gơ in sùm sùm ò dơh. Añ sền gàr gơ ngai mơ mang nàng ò gơs cau lơi lơh iơh di gơ.

Esai 64:2

Kung be tòm tŭ ồs sa ală rlau lò, mơ ồs lơh dà in khuh, nàng lơh ală cau sò tơm Kơnràñ dê git sơnđan Kơnràñ, mơ lơh ală làng bol rơm să di đap Kơnràñ!

Jeremi 14:21

Bơh sơnđan Kơnràñ dê, bañ bơtrơh tơlik bol hi, bañ sền òsơp sơbàn gơklŏ Kơnràñ dê! Dan kah wơl mơ bañ sang lòi jơnau ho bal Kơnràñ dê mơ bol hi.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Ejekiel 20:22

Mơya Añ neh ruc wơl tê Añ jê, mơ tài bơh sơnđan Añ mơ Añ neh prap gàr gơ tồ ò kòl sền òsơp di đap ală làng bol neh gŏ Añ cèng bol khai lik klàs.

Ejekiel 20:44

Ơ hìu Israel, bol mê rơp git Añ la Yàng Jehôwa tòm tŭ Añ bơh sơnđan Añ mơ gơwèt hơ bol mê, ò di jat ală gùng dà ƀơ̆ iơh mơ broă lơh ồm lề bol mê dê, Jehôwa Yàng Tom Trồ đơs behơ̆.’”

Ejekiel 20:9

Mơya tài bơh sơnđan Añ mơ Añ neh lơh broă tồ ò kòl sền òsơp di đap mat ală làng bol mơ bol khai neh ơm digùl hơ̆, di đap ală làng bol hơ̆ Añ neh yal tơlik să tòm Añ cau Israel in bơh añ neh cèng bol khai lik klàs bơh di lơgar Ejiptơ.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Mathiơ 6:9

Behơ̆ bol mê hòi dan tĕ be do: ‘Khoai Bèp bol hi ơm hơđang trồ; sơnđan Bèp gơs sàng goh;

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 16:28

Añ lik bơh di Bèp mơ lòt tus tòm dunnia; mơ tai, Añ rơp sang dunnia mơ rê wơl hơ Bèp.”

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 7:33

Behơ̆, Yàng Jesu đơs lah: “Añ gam ơm mơ bol mê dô êt jŏ tai; lồc behơ̆ Añ rê wơl hơ Bơtau neh sồr Añ lòt tus.

Broă 3:21

Bơtau hơ̆ pal geh ơm wơl hơđang trồ jơl tus di tŭ tơngai bơtào tơngguh wơl jơh ală phan, hơ̆ la bơta bơh yau òr mơ Yàng Tom Trồ neh kơnòm di bơr ală cau gơnoar hwơr sàng goh mơ đơs.

Rôma 12:5

gen kung behơ̆ sơl, bulah bol he gơs oă cau mơya bol he la dô nơm să jan tòm Bơtau Krist, mơ bol he la ală pơnah bal.

Rôma 9:17

Tòm Sră Goh neh đơs mơ Pharaôn lah: “Añ neh pồ bơtào mê nàng yal tơlik loh gơnap gơnoar Añ jê tòm mê, tồ sơnđan Añ geh bơto yal làm ù.”

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Ephesô 4:4

Gơs mìng dô nơm să jan, dô nă Yàng Hwềng, kung be oh mi neh geh hòi sac tus tòm dô bơta gơn kơnòm gơrê bal mơ bơta hòi sac oh mi dê.

Philip 2:9

Tài bơh hơ̆ tàng Yàng Tom Trồ neh yò tơngguh Kơnràñ hơđang jòng rlau jơh mơ ală sơnđan;

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”

Yal Tơlik 19:12

Gar mat Kơnràñ dê be lơmpiat ồs, bồ ndau oă sơgơn bơtau; gơs cih dô sơnđan, sơnđan hơ̆ rlau mơ Kơnràñ ò gơs cau lơi git.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”