Jang 16:25 - Sră Goh 2018

²⁵ Añ neh ai jơnau pơnyơu nàng đơs ală bơta hơ̆ mơ bol mê. Jơ tus, gen Añ ò tai ai jơnau pơnyơu nàng đơs mơ bol mê ò, mơya Añ rơp yal loh làng bơh Bèp bol mê in.

Jang 16:25 Mawu Ofanana

Đơs Crih 49:4

Añ rơp ai tồr iat jơnau pơnđik; Añ rơp pĕ kơñi mơ yal tơlik jơnau pơnhồr añ jê.

Đơs Crih 78:2

Añ rơp pò bơr đơs jơnau pơnyơu; Añ rơp đơs ală jơnau ndơp ndơr rài yau dê,

Jơnau Pơnđik 1:6

Nàng wă wơng jơnau đơs pơnđik mơ jơnau đơs pơnyơu, Ală jơnau đơs cau jak chài dê bal mơ ală jơnau pơnhồr bol khai dê

Ejekiel 20:49

Gen añ neh đơs lah: “Ơ Jehôwa Yàng Tom Trồ bol khai đơs mơ añ lah: ‘Khai ò di la cau neh ngui jơnau pơnhồr ò ơ?’”

Jơnau Niam Jat Mak 4:13

Gen Yàng Jesu đơs lah: “Bol mê ò git wă jơnau pơnyơu hơ̆ ơ? Behơ̆ gen mbe rgơi nàng git wă jơh ală jơnau pơnyơu ndai taih?

Jơnau Niam Jat Mak 4:34

Kơnràñ ò bơto bol khai dilah ò ngui jơnau pơnyơu, mơya tòm tŭ ơm is mơ ală cau bơtê, gen Kơnràñ yal tơlik loh làng jơh ală bơta bol khai in.

Jơnau Niam Jat Mak 8:32

Kơnràñ đơs loh làng bơta hơ̆. Behơ̆ Pier lam Kơnràñ lik mơ lah pơrhơng Kơnràñ.

Jang 10:24

Gen ală cau Juda gơrwàng gùt dar Kơnràñ mơ lùp lah: “Cau Bơto lòi bol hi pal kơp gơn jơl tus tŭ lơi taih? Dilah Cau Bơto la Bơtau Krist, gen đơs tĕ loh làng bol hi in.”

Jang 10:6

Yàng Jesu yal pơnyơu hơ̆ bol khai in, mơya bol khai ò git wă ñchi jơnau Kơnràñ kòñ đơs.

Jang 16:12

Añ gam gơs oă bơta tai kòñ đơs mơ bol mê, mơya tŭ do bol mê ò rgơi git wă.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 16:32

Do jơ tus, mơ neh tus rau, tŭ bol mê rơp gơprah gơpring, kòp nă lòt gùng is, mơ lòi is dô nă Añ; mơya Añ ò ơm is dô nă, tài bơh Bèp ơm mơ Añ.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.