Jang 16:19 - Sră Goh 2018

¹⁹ Yàng Jesu git bol khai kòñ lùp, gen đơs lah: “Bol mê lùp bal bơh bơta Añ neh đơs lah: ‘Gam dô êt jŏ, bol mê ò gŏ tai Añ, gen gam dô êt jŏ tai, bol mê rơp gŏ wơl Añ,’ sơl?

Jang 16:19 Mawu Ofanana

Mathiơ 6:8

Bañ đòm bol khai, bơh Bèp bol mê git ală bơta bol mê pal càng lài mơ tŭ bol mê dan mơ Kơnràñ.

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jơnau Niam Jat Mak 9:32

Mơya ală cau bơtê ò git wă jơnau hơ̆, mơ rngòt sơl, ò khin lùp Kơnràñ.

Jang 13:33

Ơ ală kòn dềt Añ jê, Añ gam ơm mơ bol mê dô êt jŏ tai. Bol mê rơp jòi Añ, mơ be Añ neh đơs mơ ală cau Juda lah: ‘Tiah Añ lòt bol mê ò rgơi lòt tus,’ gen tŭ do Añ kung đơs mơ bol mê behơ̆ sơl.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Jang 16:16

“Gam dô êt jŏ, bol mê ò gŏ tai Añ, gen gam dô êt jŏ tai, bol mê rơp gŏ wơl Añ.”

Jang 16:18

Bol khai đơs lah: “‘Gam dô êt jŏ,’ hơ̆ la ñchi jơnau taih? Bol he ò git wă Kơnràñ đơs bơh bơta lơi.”

Jang 16:23

Tòm ngai hơ̆ bol mê rơp ò lùp Añ bơh bơta lơi tai. Ngan, Añ đơs ngan mơ bol mê, bơta lơi bol mê rơp dan mơ Bèp, gen Kơnràñ rơp bơh sơnđan Añ mơ ai bol mê in.

Jang 16:26

Tòm ngai hơ̆ bol mê rơp ai sơnđan Añ mơ dan, Añ ò đơs Añ rơp bơh bol mê mơ hòi dan mơ Bèp ò;

Jang 16:30

Tŭ do bol hi git lah Kơnràñ git jơh ală bơta, ò càng cau lơi lùp Kơnràñ; bơh hơ̆ bol hi dòn lah Kơnràñ lik bơh di Yàng Tom Trồ”

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 6:61

Mơya Yàng Jesu git is ală cau bơtê Kơnràñ dê yoam bơh jơnau hơ̆, gen đơs lah: “Jơnau do lơh bol mê in gơtup tìs ơ?

Jang 7:33

Behơ̆, Yàng Jesu đơs lah: “Añ gam ơm mơ bol mê dô êt jŏ tai; lồc behơ̆ Añ rê wơl hơ Bơtau neh sồr Añ lòt tus.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.