Jang 16:10 - Sră Goh 2018

¹⁰ Bơh bơta song ring, tài bơh Añ rê wơl hơ Bèp, mơ bol mê ò gŏ Añ tai:

Jang 16:10 Mawu Ofanana

Esai 42:21

Yàng Jehôwa niam nùs bơh bơta song ring Kơnràñ dê, lơh bơta boh lam Kơnràñ dê dờng màng mơ gơklŏ.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Jang 16:28

Añ lik bơh di Bèp mơ lòt tus tòm dunnia; mơ tai, Añ rơp sang dunnia mơ rê wơl hơ Bèp.”

Jang 16:5

Mơya tŭ do Añ rê wơl hơ Bơtau neh sồr Añ lòt tus, mơ tòm bol mê ò gơs cau lơi lùp Añ lah: ‘Ntềng đah Kơnràñ lòt taih?’

Jang 3:14

Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Jang 5:32

Gơs Bơtau ndai lơh cơng bơh Añ, mơ Añ git lah jơnau Bơtau hơ̆ lơh cơng bơh Añ la ngan.

Jang 7:33

Behơ̆, Yàng Jesu đơs lah: “Añ gam ơm mơ bol mê dô êt jŏ tai; lồc behơ̆ Añ rê wơl hơ Bơtau neh sồr Añ lòt tus.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Broă 2:32

Jesu do mơ Yàng Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆.

Broă 3:14

Ală oh mi neh pơndang sang Bơtau sàng goh mơ song ring mơ dan Pilat hồ he in dô nă cau tơnchơt cau.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Galati 5:5

Đah bol he bơh bơta dòn mơ kơnòm di Yàng Hwềng dong, tàng bol he kòp bơta song ring he gơn kơnòm.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.