Jang 15:5 - Sră Goh 2018

⁵ Añ la tòm ño, bol mê la ntê. Cau lơi ơm sùm tòm Añ mơ Añ ơm sùm tòm khai gen gơlik oă ngan plai, bơh ơm bơdìh Añ, gen bol mê ò rgơi lơh bơta lơi ò.

Jang 15:5 Mawu Ofanana

Jơnau Pơnđik 11:30

Cồng nha cau song ring la chi bơta kis; Mơya bơta iơh bơsak tơnroh bơta kis.

Sră Ôse 4:8

Bol khai ròng siam să bơh ală bơta tồi glài làng bol Añ jê, bol khai gơboh bơh bơta iơh bơsak làng bol Añ jê.

Mathiơ 13:21

Mơya tòm khai ò gơs ryas, mìng ơm ing dô êt, tus di tŭ gơtìp bơta rung rài hala bơta kup kơryan gơlik bơh jơnau hơ̆, gen khai gơtup tìs mo.

Jang 12:24

Ngan, Añ đơs ngan mơ bol mê, dilah gar kòi ò rung tòm ù mơ chơt, gen gơ mìng dô gơnar lơm; mơya dilah gơ chơt, gen gơlik gơs oă plai.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Jang 9:33

Dilah cau do ò tus bơh Yàng Tom Trồ, gen ò rgơi lơh bơta lơi ò.”

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Rôma 12:5

gen kung behơ̆ sơl, bulah bol he gơs oă cau mơya bol he la dô nơm să jan tòm Bơtau Krist, mơ bol he la ală pơnah bal.

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Rôma 7:4

Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.

I Kôrintô 10:16

Mơngàn mơ bol he ngui tòm tŭ Sa Kah Yàng mơ bơh hơ̆ bol he neh ưnngài Yàng Tom Trồ: tòm tŭ bol he hùc, bol he gơs pơnah tòm mhàm Bơtau Krist. Mơ piang lă bol he dơrkă, tòm tŭ bol he sa, bol he geh pơnah tòm să jan Bơtau Krist.

I Kôrintô 12:12

Mơ tai, be să jan la dô nơm mơ gơs oă pơnah, mơ jơh ală pơnah hơ̆ la bal tòm să jan, bulah gơs oă pơnah, gơs mìng dô nơm să lơm; mơ Bơtau Krist kung behơ̆ sơl.

I Kôrintô 12:27

Mơ tai, oh mi la să jan Bơtau Krist dê, mơ kòp nă cau la dô pơnah is.

II Kôrintô 13:8

Bơh bol hi ò rgơi lơh bơta lơi tòmdră mơ jơnau song, mìng duh broă jơnau song lơm.

II Kôrintô 9:10

Yàng Tom Trồ la Bơtau ai gar sơntìl cau sih gar in mơ piang lă nàng sa, rơp ai gar sơntìl oh mi in, lơh gơ in gơlik gơs lìu làc, kung rơp bơtơl ală plai bơta song ring oh mi dê sơl.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Philip 4:17

Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Pier 2:4

Tus tĕ hơ Kơnràñ la pơnai lŭ kis, neh cau sang lòi, mơya geh Yàng Tom Trồ sac rwah mơ màng ngan.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.