Jang 15:4 - Sră Goh 2018

⁴ Ơm tĕ sùm tòm Añ gen Añ rơp ơm sùm tòm bol mê. Be ntê, dilah ò gơđềt mơ tòm ño, gen ò rgơi gơlik plai is gơ dê ò, dilah bol mê ò ơm sùm tòm Añ gen kung behơ̆ sơl.

Jang 15:4 Mawu Ofanana

Đơs Chò 8:5

Cau ùr do la ñcau, bơh ƀlàng bràs mơ guh, sơnđìng să di cau kòñ gơboh khai dê taih? Añ neh pơrlai mê di hơđơm chi sơrmoan, Tềng hơ̆ mè kong bòl glar nàng tơnggơs mê, tềng hơ̆ cau neh deh mê kong bòl glar.

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Mathiơ 12:33

“Dilah chi niam gen plai gơ kung niam, chi iơh gen plai gơ kung iơh, bơh sền plai gen git chi.

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

Jang 8:31

Behơ̆ Yàng Jesu đơs mơ ală cau Juda neh dòn Kơnràñ lah: “Dilah bol mê ơm sùm tòm jơnau Añ, gen bol mê ngan la cau bơtê Añ jê;

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

II Kôrintô 13:5

Să tòm oh mi sơwì is tĕ, mơ lòng sền oh mi ơm tòm bơta dòn hala ò. Oh mi ò git lah gơs Yàng Jesu Krist ơm tòm oh mi sơl ơ? Mìng dilah ngan, oh mi kong alah tòm tŭ tìp bơta gơlòng.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:6

Behơ̆ oh mi neh dòp Krist Jesu la Yàng, gen lơh lòt tĕ tòm Kơnràñ behơ̆ sơl.

I Tesalônika 3:5

Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

Hebrơ 10:39

Mơya bol he ò di bal mơ ală cau ruc wơl mơ kong roh rui, mơya bal mơ ală cau gơs bơta dòn nàng geh dong klàs hwềng soàn.

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.