Jang 15:15 - Sră Goh 2018

¹⁵ Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Jang 15:15 Mawu Ofanana

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Jơnau Pơnđik 18:24

Gơlơh be geh oă bơyô rơp lơh iơh he in; Mơya gơs mìng dô nă bơyô ngan đềt mềr rlau mơ oh mi tòm.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Luka 10:23

Chòp Kơnràñ wơlke hơ ală cau bơtê mơ đơs is mơ bol khai lah: “Lơngai mat lơi in geh gŏ ală bơta bol mê gŏ!

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 13:16

Di ngan, di ngan, Añ đơs mơ bol mê, cau dĭ ò di dờng rlau mơ cau tòm, cau geh sồr lòt kung ò dờng rlau mơ bơtau sồr khai lòt.

Jang 15:20

Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl.

Jang 16:12

Añ gam gơs oă bơta tai kòñ đơs mơ bol mê, mơya tŭ do bol mê ò rgơi git wă.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Jang 4:19

Cau ùr đơs lah: “Ơ Ồng, añ đal Ồng la dô nă cau gơnoar hwơr.

Jang 8:26

Añ gơs oă bơta đơs mơ cahrña bol mê; mơya Bơtau neh sồr Añ lòt tus la Bơtau song ngan, mơ Añ yal wơl dunnia in ală bơta Añ kơno bơh Kơnràñ.”

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

Rôma 7:15

Bơh añ ò git wă bơta añ lơh; añ ò lơh bơta añ kòñ, mơya añ lơh bơta añ gơjrañ.

I Kôrintô 2:16

“Bơh ñcau neh git nùs kơlôi Yàng dê, nàng bơto Kơnràñ in taih?” Mơya bol he gơs nùs kơlôi Bơtau Krist dê.

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Ephesô 3:5

tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

Kôlôse 1:26

hơ̆ la jơnau ndơp ndơr neh pồn ndơp bơh tòm ală rài mơ ală jơi bơtiàn, mơya tŭ do neh geh yal tơlik ală cau sàng goh Kơnràñ in.

Philemôn 1:16

ò di sền be dĭ gơna tai ò, mơya sền màng rlau mơ dĭ gơna, sền be oh mi kòñ gơboh, sơnròp ngan la kòñ gơboh añ jê, tơ ài lah bi gen sơlo rlau tai, bơh pơnah đah poac să mơ pơnah tòm Yàng sơl.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

Jakơ 2:23

Behơ̆ gơlik di ngan be jơnau Sră Goh cih lah: “Abraham dòn Yàng Tom Trồ mơ bơta hơ̆ geh kòp la song ring khai in,” mơ khai geh sơnđan la bơyô Yàng Tom Trồ dê.

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,