Jang 14:6 - Sră Goh 2018

⁶ Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 14:6 Mawu Ofanana

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Jang 1:4

Tòm Kơnràñ gơs bơta kis, bơta kis la bơta àng kòn mơnus in.

Jang 10:28

Añ ai bol gơ in bơta kis gam sùm sùm; bol gơ ò gơs tŭ lơi roh rui ò mơ ò gơs cau lơi kơñau bol gơ bơh tê Añ.

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.

Jang 10:9

Añ la mpồng: Dilah cau lơi bơh Añ mơ mut, gen rơp geh dong klàs. Bol khai rơp mut lik mơ bàn ƀlàng ñhơt.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Jang 15:1

“Añ la tòm ño ngan, Bèp Añ la cau tam.

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Jang 5:21

Bơh Bèp lơh ală cau chơt in kis wơl be lơi, gen Kòn kung ai bơta kis cau lơi in, jat be Kòn kòñ behơ̆ sơl.

Jang 6:33

Bơh piang lă Yàng Tom Trồ dê la piang lă bơh đang trồ mù mơ ai bơta kis dunnia in.”

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Jang 6:57

Be Bèp la Bơtau kis neh sồr Añ lòt tus, mơ Añ kis bơh Bèp be lơi, gen cau lơi sa Añ kung rơp kis bơh Añ behơ̆ sơl.

Jang 6:68

Simôn Pier ho Kơnràñ lah: “Ơ Kơnràñ, bol hi rơp lòt jat ñcau taih? Kơnràñ gơs ală jơnau bơta kis gam sùm sùm dê.

Jang 8:32

Bol mê rơp git jơnau song, mơ jơnau song rơp hồ toh bol mê.”

Jang 8:51

Di ngan, Añ đơs ngan mơ bol mê, dilah cau lơi prap gàr jơnau Añ, gen rơp ò tŭ lơi gŏ bơta chơt ò.”

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Broă 9:2

nàng dan ală sră pơyoa ală hìu jum tòm Damas in, tồ dilah tìp cau lơi bal mơ Gùng Duh Khoai Yàng, cau klau hala cau ùr, gen khai cap cèng brê hơ Jerusalem.

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

Rôma 5:2

Kung kơnòm di bơta dòn Kơnràñ lơh bol he in geh mut tòm bơta nđàc Yàng Tom Trồ dê, bol he gam ơm ntào tòm bơta nđàc hơ̆, mơ hòn chò tòm bơta gơn kơnòm geh dòp bơta gơklŏ Yàng Tom Trồ dê.

Rôma 5:21

behơ̆, tồi glài neh at bồ lam tus hơ bơta chơt be lơi, gen bơta nđàc kung at bồ tòm bơta song ring behơ̆ sơl, nàng lam bol he tus hơ bơta kis gam sùm sùm bơh Yàng Jesu Krist, la Yàng bol he dê.

I Kôrintô 15:45

Bơh Sră Goh cih lah: “Cau sơnròp la Adam neh gơlik gơs jơi geh bơta kis; Adam lồi dut gơlik gơs hwềng ai gòi bơta kis.”

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Kôlôse 2:17

Hơ̆ la rùp ală bơta rơp tus dê, ai să la bal mơ Bơtau Krist.

Kôlôse 2:9

Bơh bơta bềng tơl nùs nhơm Yàng Tom Trồ dê ơm jơh tòm să jan Yàng Jesu.

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Hebrơ 9:8

Yàng Hwềng Goh ai bơta hơ̆ sơnio lah tŭ lơi Hìu Ing Duh Khoai sơnròp gam gơs, gen gùng mut tòm Tiah Sàng Goh Ngan òhềt pò tơlik.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

I Pier 2:4

Tus tĕ hơ Kơnràñ la pơnai lŭ kis, neh cau sang lòi, mơya geh Yàng Tom Trồ sac rwah mơ màng ngan.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 1:8

Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.

I Jang 2:23

Cau lơi ò dòp Yàng Kòn, gen kung ò gơs Yàng Bèp; cau lơi dòp Yàng Kòn gen kung gơs Yàng Bèp sơl.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

I Jang 5:6

Yàng Jesu Krist la Bơtau neh ai dà mơ mhàm mơ lòt tus; ò di mìng ai dà lơm ò, mơya ai dà mơ mhàm;

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò: