Jang 14:3 - Sră Goh 2018

³ Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.

Jang 14:3 Mawu Ofanana

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 14:28

Bol mê neh kơno Añ đơs mơ bol mê lah: ‘Añ lòt, mơ Añ rê wơl hơ bol mê.’ Dilah bol mê kòñ gơboh di Añ, gen rơp hòn chò tài bơh Añ rê wơl hơ Bèp, bơh Bèp dờng rlau mơ Añ.

Jang 14:4

Tiah Añ lòt, bol mê git gùng tai sơl.”

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Broă 1:11

mơ đơs lah: “Ơ cau Galile, ñchi bơh tài bol mê ntào tơnggòr sền hơđang trồ behơ̆ taih? Jesu do neh geh guh rê hơđang trồ bơh digùl bol mê, gen kung rơp rê wơl be bol mê neh gŏ Kơnràñ guh rê hơđang trồ hơ̆ sơl.”

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

Philip 1:23

Añ kòl gơjơlềt bơh bàr đah, kòñ lòt ơm bal mơ Bơtau Krist la bơta niam rlau,

II Tesalônika 1:12

tồ lơh gơklŏ àng sơnđan Yàng Jesu bol he dê tòm oh mi, mơ oh mi tòm Kơnràñ, jat be bơta nđàc Yàng Tom Trồ dê mơ Yàng Jesu Krist bol he dê.

II Timôthe 2:12

Dilah bol he kong jai, gen kung rơp at bồ bal mơ Kơnràñ; Dilah bol he pơndang sang Kơnràñ, gen Kơnràñ kung rơp pơndang sang bol he sơl;

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.