Jang 14:21 - Sră Goh 2018

²¹ Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

Jang 14:21 Mawu Ofanana

II Ală Bơtau 18:6

Khai đềt mềr mơ Yàng Jehôwa; ò sang lòi Kơnràñ, mơya prap gàr ală bơta sồr lam mơ Yàng Jehôwa neh nting sồr Môise in.

Đơs Crih 35:27

Ai cau lơi dòp jơnau yal lah añ ò gơs glài, Lòi bol khai in geh driau dờng hòn chò mơ chò hòp, Mơ đơs sùm ò dơh lah: “Dờng ngan la Yàng Jehôwa, La Bơtau hừh nùs bơh bơta lơngap lơngai cau duh broă Kơnràñ dê.”

Lik Ejiptơ 33:18

Gen Môise đơs lah: “Tŭ do añ dan Kơnràñ ai añ in sền gŏ bơta gơklŏ Kơnràñ dê!”

Jơnau Pơnđik 8:17

Añ kòñ gơboh ală cau kòñ gơboh añ, Ngan cau lơi jơh nùs jòi añ rơp bàn añ.

Jeremi 31:31

Yàng Jehôwa đơs: “Ală ngai nền cê ngan rơp tus, tŭ hơ̆ Añ rơp bơt bơtào dô nơm bơta ho bal pa hìu Israel bal mơ hìu Juda in.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

Jang 14:18

Añ rơp ò lòi bol mê ơm kòn đòi ò, Añ rơp lòt tus hơ bol mê.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Jang 16:14

Kơnràñ rơp lơh gơklŏ Añ in, bơh Kơnràñ rơp ai bơta bal mơ Añ mơ yal lài bol mê in.

Jang 16:27

Bơh să tòm Bèp kòñ gơboh di bol mê, tài bơh bol mê neh kòñ gơboh di Añ, mơ dòn lah Añ bơh Yàng Tom Trồ mơ tus.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Broă 22:18

añ gŏ Yàng Jesu đơs mơ añ lah: ‘Ntào tĕ sơrbac sơrbang, lik mhar bơh Jerusalem, tài bơh bol khai ò bài dòp jơnau lơh cơng mê dê bơh Añ ò.’

II Kôrintô 12:8

Bơh bơta do añ neh pe dơ̆ rac dan mơ Yàng sồr gơlik bơh di añ.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Yal Wơl 11:13

Behơ̆ dilah bol mê dòn song lơh jat ală jơnau sồr mơ añ ai bol mê in ngai do, hơ̆ la kòñ gơboh di Jehôwa Yàng Tom Trồ bol mê dê mơ jơh nùs jơh hwềng soàn duh broă Kơnràñ,

Yal Wơl 7:13

Kơnràñ rơp kòñ gơboh di bol mê mơ ai lơngai bol mê in mơ lơh jơi bơtiàn bol mê dê gơbơtơl oă. Kơnràñ rơp ai lơngai plai đo hìu kòn bol mê dê, cồng nha ù tiah bol mê dê, hơ̆ la kòi mbo, tơrnòm pa mơ mơñà, ală kơnrồ tòm ală mpồl phan poan jơng bol mê dê mơ ală belàt kòn tòm ală mpồl belàt bol mê dê tòm lơgar mơ Kơnràñ neh srat să ho nền mơ ală ồng pàng bol mê dê ai bol mê in.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

I Jang 5:3

Kòñ gơboh dê Yàng Tom Trồ hơ̆ la bol he prap gàr ală bơta sồr lam Kơnràñ dê; bơta sồr lam Kơnràñ di ò di la kơnjơ̆.

II Jang 1:6

Bơta kòñ gơboh hơ̆ la bol he lơh jat ală bơta sồr lam Yàng dê; bơta sồr lam hơ̆ be oh mi neh kơno bơh sơnròp, la pal kis tòm bơta kòñ gơboh.

Yal Tơlik 2:17

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai khai in mana gam pồn ndơp, mơ Añ rơp ai khai in dô nơm pơnai lŭ bò, hơđang lŭ hơ̆ gơs cih dô nơm sơnđan pa, rlau mơ cau dòp gơ gen ò gơs cau lơi git.’”

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.