Jang 14:1 - Sră Goh 2018

¹ “Nùs bol mê bañ dơrcul: Neh dòn Yàng Tom Trồ, kung dòn tĕ Añ sơl.

Jang 14:1 Mawu Ofanana

Đơs Crih 43:5

Ơ hwềng soàn añ, ñchi bơh tài mê gơplơ̆ nùs mơ ñchi bơh tài ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ.

Đơs Crih 77:10

Chòp añ đơs: “Do la bơta moat jrùng añ jê, hơ̆ la tê ma Bơtau Hơđang Rlau Jơh neh tòmgơl.”

Esai 26:3

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Jang 11:33

Yàng Jesu gŏ Mari ñìm, mơ ală cau Juda lòt bal mơ khai kung ñìm sơl, gen tòm nùs jê sồt mơ rngoh rngac,

Jang 12:27

“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Jang 12:44

Yàng Jesu đơs dờng lah: “Cau lơi dòn Añ ò di mìng dòn Añ lơm, mơya dòn Bơtau neh sồr Añ lòt tus.

Jang 13:19

Bơh tŭ do, Añ yal bol mê in lài mơ tŭ broă hơ̆ òhềt gơlik gơs; nàng tòm tŭ broă hơ̆ gơlik gơs rau, gen bol mê dòn Añ la Bơtau neh gơs mơ gam gơs sùm sùm.

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 16:6

Mơya tài bơh Añ neh yal ală bơta hơ̆ bol mê in, gen nùs bol mê bềng bơta moat jrùng.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

II Kôrintô 2:7

gơpơrlơ̆ wơl chan toh glài khai mơ pơndòm pơniang khai, rngòt khai gơplơ̆ nùs bơh bơta moat jrùng dờng ngan mòn.

Ephesô 1:15

Tài behơ̆, tơnơ̆ mơ tŭ añ neh kơno bơh oh mi gơs bơta dòn di Yàng Jesu, mơ bơta kòñ gơboh oh mi dê gơwèt mơ jơh ală cau sàng goh,

II Tesalônika 2:2

bañ lòi nùs kơlôi oh mi dê mhar lơnggơr, kung bañ dơrcul bơh hwềng lơi, hala bơh jơnau đơs, hala bơh sră pơyoa lơi gơlơh be bol hi neh pơyoa, mơ đơs lah ngai Yàng dê neh tus rau.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.