Jang 13:5 - Sră Goh 2018

⁵ Chòp Kơnràñ tuh dà tòm thao bàk, mơ sơntòm rào jơng ală cau bơtê in, mơ ai chèo Kơnràñ neh pùt di but nàng jùt jơng bol khai in.

Jang 13:5 Mawu Ofanana

Sơnròp Gơlik Gơs 18:4

Añ dan ală ồng ai gơnoar cau in ai dô êt dà rào jơng ală ồng in, mơ dan ală ồng rlô di tòm chi do.

Sơnròp Gơlik Gơs 19:2

Khai đơs lah: “Do, ală ồng, dan lòt tus ơm tòm hìu cau dĭ ală ồng dê, mơ ơm dô mang rào jơng ală ồng dê mơ guh àng hìng sồng lòt gùng.” Bol hơ̆ ho lah: “Ò, mang do bol hi ơm tòm gùng.”

Sơnròp Gơlik Gơs 43:24

Lồc behơ̆, khai rò oh mi mut tòm hìu Jôsep, cèng dà rào jơng bol khai in, mơ kung ai ală alàng sa ñhơt sơl.

II Ală Bơtau 3:11

Mơya Jehôsaphat đơs lah: “Tềng do ò gơs dô nă cau gơnoar hwơr lơi Yàng Jehôwa dê nàng bol he kơnòm di khai mơ lùp Yàng Jehôwa ò ơ?” Dô nă cau dĭ gơna bơtau Israel yal lah: “Tềng do gơs Elise, kòn klau Saphat dê, la cau tuh dà di tê Eli dê.”

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Lik Ejiptơ 29:4

Cèng tĕ Arôn mơ ală kòn klau khai dê tus di mpồng mut Sàl Tòm Mat mơ ai dà tơnum bol khai.

Esai 1:16

Rào tĕ să tòm bol mê, lơh tĕ să tòm bol mê in sàng goh! Tă sang tĕ ală broă iơh bol mê dê bơh di đap mat Añ! Ơm tĕ, bañ lơh tìs tai.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Lebi 14:8

Cau neh geh goh pal pìh ală ồi ào khai dê, koah jơh sơnò mơ um tòm dà, gen khai rơp geh goh jat bơta sồr lam duh khoai. Tơnơ̆ mơ hơ̆ khai rgơi mut tòm sàl ơm làng bol dê, mơya khai pal ơm bơdìh sàl ơm khai dê tòm poh ngai.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Luka 7:38

ơm ntào đah ngkòi di jơng Kơnràñ mơ ñìm, dà mat hòr sùh jơng Kơnràñ, gen khai ai sŏ mơ jùt, cum jơng Kơnràñ, mơ bong mơñà ƀô sơl.

Luka 7:44

Gen Kơnràñ wơlke hơ cau ùr, đơs mơ Simôn lah: “Mê gŏ cau ùr do sơl? Añ mut tòm hìu mê, mê ò ai dà rào jơng, mơya khai ai dà mat lơh sùh jơng Añ mơ ai sŏ jùt sơl.

Jang 13:10

Yàng Jesu đơs lah: “Cau lơi neh um rau, pal rào mìng jơng, gen gơs goh jơh să. Bol mê neh gơs goh, mơya ò di jơh tơl nă.”

Jang 13:6

Kơnràñ lòt tus hơ Simôn Pier, gen khai đơs lah: “Ơ Yàng, Kơnràñ rào jơng añ in ơ?”

Jang 13:8

Pier đơs lah: “Ò di. Ò gơs tŭ lơi Kơnràñ rơp rào jơng añ in ò!” Yàng Jesu ho lah: “Dilah Añ ò rào mê in, gen mê ò gơs dô pơnah lơi mơ Añ.”

Jang 19:34

Bulah behơ̆ gơs dô nă cau ling ai tà hwit di wĕ Kơnràñ, gen gơlik mo mhàm mơ dà.

Broă 22:16

Tŭ do, ñchi bơh tài bi gam gơn tai taih? Ntào tĕ, gơs ƀaptem mơ hòi dan tồ tồi glài bi geh rào goh.’”

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

I Timôthe 5:10

la cau ùr gơs pơnro niam bơh broă niam khai dê, kung be neh ròng kòn sau, git wă rò nac crih, rào jơng ală cau sàng goh, dong kòl cau rƀah dồn sa, mơ jơh nùs lơh tơl ală broă niam.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

I Jang 5:6

Yàng Jesu Krist la Bơtau neh ai dà mơ mhàm mơ lòt tus; ò di mìng ai dà lơm ò, mơya ai dà mơ mhàm;

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.

Ală Kwang Cahrña 19:21

Behơ̆ ồng kra lam khai mut tòm hìu mơ ai ală alàng in sa, bol khai rào jơng rau gen ñô mơ sa bal.

I Samuel 25:41

Abigail cùn khoai blup mat tòm ù mơ đơs lah: “Cau ùr duh broă ồng dê la dô nă cau dĭ nàng rào jơng ală cau duh broă cau tòm añ jê.”