Jang 13:34 - Sră Goh 2018

³⁴ Añ ai bol mê in dô bơta sồr lam pa, hơ̆ la bol mê kòñ gơboh tĕ bal mơ gơp; Añ neh kòñ gơboh di bol mê be lơi, gen bol mê kung kòñ gơboh tĕ bal mơ gơp behơ̆ sơl.

Jang 13:34 Mawu Ofanana

Đơs Crih 119:63

Añ lơh bơyô mơ jơh ală cau duh rngòt di Yàng, La cau prap gàr ală jơnau sồr Kơnràñ dê.

Đơs Crih 16:3

Ai ală cau sàng goh tòm ù tiah, bol khai la cau dờng màng; Añ gơs bơta hừh nùs dê bol khai.

Lebi 19:18

Bañ jòi jat bơta sal tê hala prap tòm nùs bơta gơjrañ mañ tòmdră mơ dô nă cau tòm làng bol mê dê, mơya kòñ gơboh tĕ cau gơp ƀòn mê dê be să tòm mê. Añ la Yàng Jehôwa.

Lebi 19:34

Pal gơwèt hơ cau làng bơdìh ơm bal mơ bol mê kung be dô nă tòm ală cau làng tòm. Kòñ gơboh di khai kung be să tòm bol mê dê, bơh mê bơh lài la cau làng bơdìh ơm tòm Ejiptơ. Añ la Jehôwa Yàng Tom Trồ bol mê dê.

Mathiơ 5:44

Mơya Añ đơs mơ bol mê: Kòñ gơboh tĕ di cau sò tơm di bol mê, mơ hòi dan tĕ cau lơi in kup kơryan bol mê,

Jang 15:17

Añ bơto sồr bol mê ală bơta hơ̆, nàng bol mê kòñ gơboh bal mơ gơp.”

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Rôma 12:10

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

Rôma 13:10

Bơta kòñ gơboh ò lơh iơh di cau gơp ƀòn he; behơ̆ bơta kòñ gơboh lơh wil tơl bơta boh lam.

Rôma 13:8

Bañ kòl dồs mơ cau lơi, mìng kòl dồs bơh bơta kòñ gơboh bal lơm, bơh cau lơi kòñ gơboh di cau gơp ƀòn he dê hơ̆ la neh lơh wil tơl bơta boh lam.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Galati 6:10

Behơ̆ tòm tŭ gam gơs tơngai, gen bol he lơh tĕ broă niam jơh ală cau in, sơnròp ngan la ală cau tòm hìu nhă bơta dòn dê.

Galati 6:2

Àñ tĕ ơnòng kơnjơ̆ bal mơ gơp, behơ̆ sồng oh mi lơh jat wil tơl bơta boh lam Bơtau Krist dê.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Kôlôse 1:4

bơh bol hi neh kơno bơh bơta dòn oh mi dê tòm Yàng Krist Jesu mơ bơh bơta kòñ gơboh oh mi dê gơwèt mơ jơh ală cau sàng goh;

I Tesalônika 3:12

Dan Yàng ai bơtơl oh mi in tơngkah tơngkañ nùs kòñ gơboh bal mơ gơp, bal mơ tơl nă cau, kung be bol hi gơwèt mơ oh mi sơl,

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

Hebrơ 13:1

Gơs tĕ nùs kòñ gơboh sùm bal mơ gơp be oh mi tòm Bơtau Krist.

Jakơ 2:8

Dilah oh mi lơh jat wil tơl bơta boh lam dờng màng, jat be jơnau Sră Goh cih lah: “Mê kòñ gơboh tĕ di cau gơp ƀòn he be he,” gen oh mi lơh di ngan.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

II Pier 1:7

bơtơl bơta gơboh gơbài di oh mi hơđang bơta duh rngòt, bơtơl nùs kòñ gơboh hơđang bơta gơboh gơbài di oh mi.

I Jang 3:11

Do la jơnau bơto yal mơ oh mi neh kơno bơh sơnròp: Hơ̆ la bol he pal kòñ gơboh bal mơ gơp.

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:21

Bol he neh dòp bơh Kơnràñ bơta sồr lam do: Cau lơi kòñ gơboh di Yàng Tom Trồ gen kung pal kòñ gơboh di oh mi he sơl.

II Jang 1:5

Ơ mò, tŭ do añ dan mò kah lah bol he pal kòñ gơboh bal mơ gơp, hơ̆ ò di be añ cih mò in dô bơta sồr lam pa, mơya la bơta bol he neh gơs bơh sơnròp.