Jang 13:10 - Sră Goh 2018

¹⁰ Yàng Jesu đơs lah: “Cau lơi neh um rau, pal rào mìng jơng, gen gơs goh jơh să. Bol mê neh gơs goh, mơya ò di jơh tơl nă.”

Jang 13:10 Mawu Ofanana

Cau Bơto 7:20

Ngan, ò gơs cau song ring lơi ơm hơđang ù lơh bơta niam, mơ ò tìs glài.

Đơs Chò 4:7

Ơ cau kòñ gơboh añ jê, ai ngan hàng mơnĕ tòm jơh ală bơta, tòm ai ò gơs dô nơm tềl sồt lơi.

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Lebi 16:26

Cau klau hồ toh be lơh gơs be àñ glài pal pìh ală ồi ào khai dê mơ um dà să tòm khai, tơnơ̆ mơ hơ̆ gen khai rgơi mut tòm sàl ơm.

Lebi 16:28

Cau klau chu ală phan hơ̆ pal pìh ală ồi ào khai dê mơ um dà să tòm khai, tơnơ̆ mơ hơ̆ khai rgơi mut tòm sàl ơm.

Mathiơ 6:12

Dan toh glài bol hi in, be bol hi kung toh cau tìs glài mơ bol hi;

Jang 13:18

Añ ò đơs bơh jơh tơl nă bol mê ò, Añ git ală cau Añ neh sac; mơya nàng gơlik di ngan be Sră Goh cih lah: ‘Cau sa piang lă Añ jê yò kơndòl jơng sò Añ wơl.’

Jang 13:9

Simôn Pier đơs lah: “Ơ Yàng, ò di mìng jơng lơm ò, mơya tê mơ bồ tai sơl!”

Jang 15:3

Bol mê geh goh rau bơh jơnau Añ neh bơto yal bol mê in.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

Hebrơ 9:10

bơh hơ̆ la bơta sồr lam đah poac să dê gơwèt hơ ală phan sa, phan ñô, mơ bơta um rào, geh bơtào gơs jơl tus di tŭ tơngai Yàng Tom Trồ rơndap pa wơl.

Jakơ 3:2

Jơh tơl nă bol he gơtup tìs tòm oă bơta. Dilah gơs cau lơi ò gơtup tìs tòm jơnau đơs he dê, hơ̆ la cau wil tơl, kung rgơi at bồ jơh să jan he sơl.